دابەزاندنی کێش ده‌بێته‌ هۆی که‌مکردنه‌وه‌ی شیری دایک

خەندان لایف-
 
زۆربه‌ی دایکان دوای مناڵ بوون کێشیان زیاد ده‌کات و ده‌یانه‌وێت کێشیان دابه‌زێت، به‌ڵام ڕه‌نگه‌ زانیاری پێویستیان له‌ به‌رده‌ست نه‌بێت تا ڕزگاریان بێت له‌ قه‌ڵه‌وی، له‌ هه‌مانکات دا ترسیان هه‌یه‌ که‌ کێش دابەزاندن  ببێته‌ هۆی که‌مکردنه‌وه‌ی شیری دایک.

دابەزاندنی کێش بە شێوەیەکی ته‌ندروست کاریگه‌ری که‌می هه‌یه‌ له‌ سه‌ر که‌مکردنه‌وه‌ی شیری دایک، به‌ڵام ده‌بێته‌ هۆی که‌مبونه‌وه‌ی توانا و چالاکی دایک که‌ کاریگه‌ری خراپی هه‌یه‌ له‌ سه‌ر گرنگی پێدان به‌ منداڵە ساواکه‌ی.

هه‌ندێک  لە کێش دابەزاندن زیانی هه‌یه‌ بۆ گه‌شه‌ی مناڵ به‌ تایبه‌ت ئه‌گه‌ر خۆراکی دایک ڕۆژانه‌ ڕێژه‌یه‌کی که‌م له‌ ڤیتامین  B12  و یۆد و ئاسن و زینکی تێدا بێت. 

بۆیه‌ ئەو خانمانەی شیرده‌ر بە منداڵەکانیان دەدەن نابێت بەبێ راوێژکردن بە پزیشکی پسپۆڕ پارێز بکەن.

ئه‌م بابه‌ته 3168 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP