بڵاوكردنەوەی وێنەی رژێنەكانی شیری مەمك كاردانەوەی لێكەوتەوە

خەندان-

دوای ئەوەی بەكارهێنەرێكی تویتەر لە هەژماری تایبەتی خۆی وێنەی ماسولكەی رژێنەكانی شیری مەمكی بڵاوكردەوە، دەستبەجێ و بەشێوەیەكی فراوان وێنەكە لە لایەن بەكارھێنەرانی تۆڕە كۆمەڵایەتیەكانەوە بڵاوكرایەوە و كاردانەوەی جیاوازی لێكەوتەوە.

ئەو رژێنانەی لە ماسولكەكانی مەمكی ئافرەتاندا ئەركی دروستكردنی شیر-یان هەیە لە ژمارەیەك بۆری  یاخود جۆگەی باریك پێكهاتون كە شیر لە بەشەكانی سنگەوە دەگوازنەوە و دواتر شیرەكە لە ناوچەیەكدا كۆدەبێتەوە و دەریدەدەن.

زانیاریە بایۆلۆجیەكە بەو شێوەیەیە، بەڵام وا دیارە ئەوە زانیاریەكی نوێیە و بەوهۆیەوە ژمارەیەكی زۆر لە خەڵك لە تۆرە كۆمەڵایەتیەكاندا كاردانەوەی جیاوازیان بەرامبەر ئەو بابەتە هەبو.

وێنەكە بەشێوەیەك بڵاوبوەوە كە لەماوەی تەنها چەند رۆژێكی كەمدا زیاتر لە 130 هەزار لایك و بینەری هەبوە و بۆ هەندێك لە خەڵك جێگەی سەرسوڕمان بوە و تەنانەت هەندێك نوسیویانە "لە وێنەكە ترساون".

لە لایەكی دیكەوە هەندێك كەس لایەنە جوانەكەیان بەدی كردوە و لە روانگەی ئەوانەوە سەرەڕای ئەوەی زانیاریەكە نوێیە، بەڵام جێی پرسیار بوە كە تا ئێستا لەبارەی بایۆلۆجی جەستەی مرۆڤەوە هێندەیان نەزانیوە.

ئه‌م بابه‌ته 16494 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP