پێویستە منداڵان لە خواردنەوە گازیەکان بپارێزرێن


خەندان لایف-

یەکێک لەو خواردنەوانەی کە بەردەوام هۆشداری دەدرێت لە کەمکردنەوەی خواردنەوەی خواردنەوە گازیەکانە، کە کاریگەری سلبی بۆ سەر تەندروستی هەیە بەگشتی، بەتایبەت منداڵان لەمبارەیەوە پسپۆڕی زانستی خۆراک و نه‌شته‌رگه‌ری گشتی، هاوکات ئه‌ندامی کۆلیژی ئه‌مریکی بۆ زانستی خۆراک د.کامەران رەسول ژاژڵەیی دەڵێت هه‌ر دوو ئه‌کادیمیای منداڵانی ئه‌مریکی و کۆمه‌ڵه‌ی ئه‌مریکا بۆ نه‌خۆشیه‌کانی دڵ، داوا له‌ حکومه‌تی ئه‌مریکی ده‌که‌ن که‌ بێته‌سه‌ر خه‌ت بۆ پاراستنی منداڵ و مێردمنداڵان له‌ خواردنه‌وه‌ گازیه‌کان، چونکه‌ هه‌ڕه‌شه‌یه‌کی ترسناکه‌ بۆ ته‌ندروستیان.

ئاماژه‌یان به‌وه‌کردووه‌ که‌ مێردمنداڵان ڕووبه‌ڕووی ڕێکلامی زۆر و به‌رده‌وامی خواردنه‌وه‌ گازیه‌کان ده‌بنه‌وه‌ و فشاریان ده‌خرێته‌ سه‌ر تا زیاتر ئه‌و به‌رهه‌مانه‌ بخۆنه‌وه‌.

 زیانه‌کانی خواردنه‌وه‌ گازیه‌کان بۆ منداڵان:

1-کلۆربوون و کێشه‌ جیاوازه‌کانی ددانه‌کان.
2-نه‌رم بوونه‌وه‌ی ئێسک و کورتی باڵا.

3-زۆر بوونی کێش و قه‌ڵه‌وی.
 
4-زیادبوونی ئه‌گه‌ری تووشبوون به‌ نه‌خۆشیه‌کانی کۆئه‌ندامی میزوو میزەڕۆ و به‌ردی گورچیلە.
 
5-که‌می ڤیتامین و کانزا و بەها خۆرکیه‌ گرنگه‌کان.

6-بێهێزکردنی کۆئه‌ندامی به‌رگری له‌ش.
7-ئالووده‌بوون به‌ خواردنه‌وه‌ گازیه‌کان.
 
8-تێک چوونی کۆئه‌ندامی هه‌رس و قه‌بزی و تڕشه‌ڵۆکی گه‌دده‌.
 
9-که‌مخوێنی و که‌می مادده‌ی ئاسن.
10-زیاد بوونی ئه‌گه‌ری تووشبوون به‌ نه‌خۆشی شه‌کره‌ له‌ مناڵان.

11-ئه‌گه‌ری تێکچوونی ئه‌درینال گلانده‌کان و کوێره‌ هۆرمۆنه‌کانی تر. 

ئه‌م بابه‌ته 3365 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP