کام جۆری پرۆتین باشە، بۆ یاریزانەکان؟


خەندان لایف-

لە ئێستادا گەنجان بەشێوەیەکی بەرچاو رویان لە وەرزش و راهێنانە قورسەکان کردووە، لە هەمانکاتدا لەپێناو لەشێکی جوان پرۆتین دەخۆن، بەڵام زۆر گرنگە بزانن چ جۆرێک هەڵدەبژێرن و پێکهاتەکانی چین، لەمبارەیەوە پسپۆڕی زانستی خۆراک و نه‌شته‌رگه‌ری گشتی، هاوکات ئه‌ندامی کۆلیژی ئه‌مریکی بۆ زانستی خۆراک د.کامەران رەسول ژاژڵەیی رونکردنەوە دەدات:

چه‌ندین جۆری پاوده‌ری پڕۆتین له‌ جیهان دا هه‌یه‌، که‌ له‌ کاتی وه‌رزشدا له‌ لایه‌ن وه‌رزشکارانه‌وه‌ به‌کاردێت، به‌ڵام باوترین جۆره‌کانی به‌پێی سه‌رچاوه‌ی پڕۆتین و پێکهاتەکانیەتی:
 
1-پاوده‌ری وای "Whey protein" له‌ به‌شه‌ شله‌ی شیر دروست ده‌کرێت که‌ له‌ کاتی دروستکردنی په‌نیر جیا ده‌کرێته‌وه‌، به‌ چه‌ند پڕۆسه‌یه‌کی میکانیکی،  ئه‌مه‌ باوتریان و باشترنیانه،‌ چونکه‌ پڕۆتینه‌که‌ هه‌ر نۆ جۆر ترشه‌ ئه‌مینه‌ سه‌ره‌کیه‌کانی تێدایه،‌ به‌ڵام چونکه‌ تامی ناخۆشه‌ زۆربه‌ی جار چه‌ند جۆرێک تامی جیاوازی تێده‌کرێت وه‌ک ڤانێلا ، شلیک له‌گه‌ڵ مه‌وادی حافزه‌ تا تێک نه‌چێت.

کۆمپانیاکان دوو جۆری سه‌ره‌کی به‌رهه‌م ده‌هێنن "پڕۆتینی وای مۆکه‌ڕه‌ز، Whey Concentrate" و پڕۆتینی وای جیاکراوه‌ی بێ لاکتۆز "Whey isolate" .

2- پڕۆتینی کازه‌یاین "casein protein" ئه‌م جۆره‌ له‌ پڕۆتینی کازه‌ینی ناو شیر دروست ده‌کرێت و هه‌رسکردنی قورستره‌ له‌ چاو پڕۆتینی وای و به‌هه‌مان شێوه‌ هه‌ر نۆ جۆر ترشه‌ ئه‌مینه‌ سه‌ره‌کیه‌کانی تێدایه‌ و تامی ناخۆشه‌، زۆربه‌ی جار چه‌ند جۆرێک تامی جیاوازی تێده‌کرێت وه‌ک ڤانێلا ، شلیک له‌گه‌ڵ مه‌وادی حافزه‌ تا تێک نه‌چێت.

3- پڕۆتینی دروستکراو له‌ سۆیا.

4- پڕۆتینی دروستکراو له‌ برنج .

5-پڕۆتینی دروستکراو له‌ ده‌نکی پیا "pea protein" جۆره‌ ڕووه‌کێکه‌.

6-پڕۆتینی دروستکراو له‌ سپێنه‌ی ، له‌ ئێستادا که‌متر دروست ده‌کرێت به‌ڵام ئاماده‌کردنی له‌ ماڵه‌وه‌ ئاسانتره‌.

7-پڕۆتینی دروستکراو له‌ گۆشتی مانگا، دوای جیاکردنه‌وه‌ی به‌ز و چه‌وری له‌ گۆشت و به‌ شێوه‌ی پاوده‌ری کرایاتین "creatine" یان تێکه‌ڵه‌ی کرایاتنین و "BCAAs" به‌رهه‌م ده‌هێنرێت.

8-پڕۆتینی دروستکراو له‌ ترشه‌ ئه‌مینه‌ لقداره‌کان "BCAAs" .

جۆری پاوده‌ر به‌گوێره‌ی تام و چێژی ناوی:

1-پاوه‌ده‌ری پڕۆتینی بێ تام و چێژ.

2-پاوه‌ده‌ری پڕۆتینی به‌ تام و چێژی دروستکراو ، وه‌ک مادده‌ی ئه‌سپارتایم.

3- پاوه‌ده‌ری پڕۆتینی به‌ تام و چێژی سروشتی .

چاوەڕوانی بەشی دووەم بن

 

ئه‌م بابه‌ته 5649 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP