بۆ دایکان.. لەپێناو زیادبوونی شیر بۆ کۆرپەکەت ئەم خواردنانە هەڵبژێرە


خەندان لایف-

گومانی تێدانییە کە دایک پێویستی بە خواردنی تەندروست هەیە بۆ ئەوەی شیری مەمکی زیاد بێت و بتوانێت کۆرپەکەی بەشیری خۆی تێربکات بەشێوەیەکی تەندروست، بەڵام ڕەنگە زۆری و کەمی شیر دایکێکەوە بۆ دایکێکی دیکە جیاواز بێت.

ئەو خانمانەی هەست بەوەدەکەن کە شیری خۆیان کەمە و دەیانەوێت زیاد بێت لەپێناو تەندروستی کۆرپەکەیان پێویستە ئەم خواردنانە زۆر بخۆن:

1-بادام دەوڵەمەندە بە ڤیتامین E و ئۆمیگا3، ئەمەش  باشترین سەرچاوەیە بۆ دایک و بۆ ئەوەی پارێزگاری لەو هۆڕمۆنانە بکات کەدەبێتە هۆی زیادبوونی شیری مەمک، پێویستە ڕۆژانە 6 دەنک بادام بخۆیت لەگەڵ کوپێک شیردا.

2-شەربەتی گێزەر بڕێکی زۆر ڤیتامین A تێدایە کە یارمەتی زیادبوونی شیری دایک دەدات، کوپێک بخۆرەوە لەگەڵ نانی بەیانی یان ئێوارە.

3-سپێناخ سەرچاوەی ئاسن و کالسیۆم و ترشی فۆلیکی ئەسیدە، کە لەش لە ژەهراوی بوون دەپارێزێت و یارمەتی زیادبوونی شیر دەدات.

4-خواردنە ئاویەکان وەک ماسی سەلەمون کە دەوڵمەندە بە ئۆمیگا3 و چەوری بەسوود، پێویستە دایک هەفتانە دووجار بیخوات.

5-شۆڤان سەرچاوەی پێکهاتە ڕیشاڵیەکان و ئاسن و کالیسۆمە و ئاستی شەکری خوێن ڕادەگرێت بە یەکسانی و شیری دایک زیاد دەکات.

6-میوە وشککراوەکان وەک قەیسی و هەڵوژە زۆ بەسوودە بۆ دایکان، چونکە ڤیتامین و کانزای زۆری تێدایە و هۆڕمۆنەکانی لەش ڕێکدەخاتەوە.

7-شیر بڕێکی زۆر چەوری سروشتی تێدایە کە بۆ لەشی دایک بەسوودە و شیری مەمک زیاد دەکات، پێویستە ڕۆژانە 2-3 کوپ شیر بخۆیتەوە.

8-خواردنەوەی ئاو باشترین پێویستیە بۆ لەشی دایکی شیردەر، چونکە لەش لە وشکبوونەوە دەپارێزێت و پێویستە ڕۆژانە 6-8 کوپ بخۆیتەوە.

9-پەتاتە دەوڵەمەندە بە ڤیتامین C،B و پۆتاسیۆم و مەگنسیۆم، هەربۆیە یارمەتی زیادبوونی شیری دایک دەدات، لەهەمانکاتدا یارمەتی کەمبوونەوەی ماندووبوون دەدات لەکاتی شیردان بە کۆرپە.

ئه‌م بابه‌ته 21045 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP