بۆچی هەندێک کەس بەردەوام هەست بە سەرما دەکەن؟

خەندان لایف-

هەندێک کەس هەمیشە هەست بە بوونی سەرما دەکەن لە جەستەیاندا، هەرچەندە پلەی گەرمیان ئاساییە، بەڵام دەیانەوێت لە جێگای گەرمدا دانیشن یاخود تەنها دەست و پێیان ساردە، لەمبارەیەوە پسپۆڕی زانستی خۆراک و نه‌شته‌رگه‌ری گشتی ، هاوکات ئه‌ندامی کۆلیژی ئه‌مریکی بۆ زانستی خۆراک د.کامەران رەسول ژاژڵەیی باس هۆکارەکانی دەخاتەروو، هاوکات هەندێک رێنمایی دەدات. 

هۆکارەکانی هەستکردن بە سەرما چییە؟

1-سستی غوده‌ی ده‌رەقی، چونکە ئاستی هۆرمۆنی غوده‌ی ده‌رەقی له‌ ڕێژه‌یی ئاسایی که‌متره‌.
 
2-که‌م خوێنی، هۆکاری زۆره‌ له‌وانه‌ که‌می مادده‌ی ئاسن، یاخو فۆلیک ئه‌سید و ڤیتامین بی12، زەنک، خوێنبه‌ربوون، نه‌خۆشیه‌ درێژخانه‌کانی وه‌ک سستی یان وه‌ستانی گورچیله‌، شێرپه‌نجه‌.. هتد

3-کۆنیشانه‌ی نەخۆشی ڕاینوێد، واتە کەمی بەرگری دەمارەخانەکانی دەست و پێیەکان بەرامبەر سەرما.

4-دابه‌زینی فشاری خوێن.
 
5-دڵه‌ڕاوکێ و قه‌له‌قی و فشاری ده‌روونی.
 
6-نه‌خۆشی شه‌کره‌ به‌ تایبه‌ت پاش چه‌ند ساڵێک له‌ تووشبوونی یان کاتێک کۆنتڕۆڵ نه‌کرابێت به‌ باشی.

7-لاوازی و که‌می کێش به‌ تایبه‌ت به‌ هۆی نه‌مانی ئارەزووی خواردن.

8-بوونی کێشه‌ له‌ خوێنبه‌ره‌کان وه‌ک نه‌خۆشی ته‌سک بوونه‌وه‌ی خوێنبه‌ره‌کان.

9-که‌می کانزا و ڤیتامینه‌کان، وه‌ک  که‌می مادده‌ی مه‌گنسیۆم، که‌می مادده‌ی ئاسن، که‌می ڤیتامین بی3، بی12.

10-تێکچوونی ئاستی هۆرمۆنی ئیسترۆجین له‌ خانماندا.

شێوازی چارەسەرکردنی:
 ده‌ستنیشان کردنی هۆکاره‌کانی و چاره‌سه‌رکردنی به‌ شێوه‌ی زانستی و گونجاو پاش پشکنینی خوێنی نه‌خۆش له‌ لایه‌ن پزیشکه‌وه‌ دیاریدەکرێت.

ئه‌م بابه‌ته 64692 جار خوێنراوه‌ته‌وه‌‌

Copyright © 2015 Xendan.org all rights reserved
Created by AVESTA GROUP