د.به‌رهه‌م ساڵح‌و باڵیۆزی ئێران: هه‌نگاوی په‌له‌ بنرێت بۆ چاره‌سه‌ركردنی كێشه‌ سیاسییه‌كان

د. به‌رهه‌م ساڵح‌و باڵیۆزی ئێران له‌عیراق

خه‌ندان-

د. به‌رهه‌م ساڵح‌و باڵیۆزی ئێران له‌عیراق، به‌پێویستی ده‌زانن هه‌نگاوی به‌په‌له‌‌و جدیی بنرێت بۆ چاره‌سه‌ركردنی كێشه‌ سیاسییه‌كان له‌عیراق، ئه‌وه‌ش له‌كۆبونه‌وه‌یه‌كی نێوانیاندا هات.

د. به‌رهه‌م ساڵح ئه‌مڕو ٣|٥|٢٠١٦ پێشوازی كرد له‌حه‌سه‌ن دانایی فڕ باڵیۆزی ئێران له‌عێراق‌و  وه‌فدێكی یاوه‌ری‌و تیایدا له‌كۆبونه‌وه‌یه‌كدا گفتوگۆیانكرد له‌سه‌ر دۆخی ئێستای كوردستان‌و عیراق‌و ناوچه‌كه‌و دواپێشهاتوو روداوه‌كانی گۆڕه‌پانی سیاسی.

به‌پێی راگه‌یه‌نراوێكی نوسینگه‌ی‌ د. به‌رهه‌م ساڵح، هه‌ر له‌كۆبونه‌وه‌كه‌دا له‌سه‌ر روداوه‌كانی ئه‌مدواییه‌ی‌ عیراق "هه‌ردوولا هاوڕابوون كه‌ پێویسته‌ هه‌نگاوی په‌له‌و جدی بنرێت بۆ چاره‌سه‌ركردنی كێشه‌ سیاسییه‌كان". له‌گه‌ڵ پته‌وكردنی په‌یوه‌ندییه‌ سیاسی‌و بازرگانییه‌كانی نێوان هه‌رێمی كوردستان‌و كۆماری ئیسلامی ئێران "به‌ئاراسته‌ی خزمه‌تكردنی هه‌ردوو گه‌لی دراوسێ".

هاوكات هه‌ر ئه‌مڕۆ نێچیرڤان بارزانی، سه‌رۆكی حكومه‌تی هه‌رێمی كوردستان، پێشوازیكرد له‌حه‌سه‌ن دانایی فه‌ڕ.

به‌پێی راگه‌یه‌نراوێكی ماڵپه‌ڕی حكومه‌تی هه‌رێم "دۆخی ناوچه‌كه‌‌و په‌ره‌سه‌ندنه‌ سیاسی‌و ئه‌منی‌و سه‌ربازییه‌كانی عیراق تاوتوێكران".



ئه‌م بابه‌ته 2129 جار خوێنراوه‌ته‌وه‌‌

نیشانە کردن

‌‌‌

                  
                  
Copyright © 2016 Xendan.org all rights reserved
Design by AVESTA GROUP , programming and database by KURDSKY.COM