عیازیە.. زیاتر لە 15 چەكداریی داعش كوژران

خەندان-رەڤەند گوهەرزی

فەرماندەیەكی هێزەكانی پێشمەرگەی كوردستان رایگەیاند، لە ناحیەی عیازیە و سەربازگەی كەسكێ، ئۆتۆمبێلەكانی چەكدارانی داعش كرانە ئامانجی فڕۆكە جەنگییەكانی هاوپەیمانی نێودەوڵەتی و زیاتر لە 15 چەكداریی ئەو رێكخراوە تیرۆریستە كورژان.

ئەو فەرماندەیەی هێزەكانی پێشمەرگەی كوردستان لە بەرەكانی شەڕ تایبەت بە خەندانی راگەیاند :" ئەم شەو، چەند پێگەیەكی چەكدارانی رێكخراوی تیرۆریستی داعش لە دەوورووبەری شاری موسڵ، كرانە ئامانجی بۆردومانی فڕۆكە جەنگییەكانی هاوپەیمانانی نێودەوڵەتی".

ئەو فەرماندەیە كە نەیویست ناوی خۆی ئاشكرا بكات، وتیشی:" كەمێك لەمەوبەر لە ناو سەنتەری ناحیەی عیازیە، دوو ئۆتۆمبێڵی چەكدارانی داعش لەلایەن فڕۆكە جەنگیەكانی هاوپەیمانانی نێودەوڵەتیەوە، بۆردومانكران".

وتیشی :" لە گوندی قۆبك_ی تەنیشت سەربازگەی كەسكێ، سێ‌ ئۆتۆمبێڵێكی پڕ لە چەكداری داعش كرانە ئامانجی بۆردومانی فڕۆكەكانی هاوپەیمانان و لە ئەنجامی ئەو بۆردومانەشدا ئۆتۆمبێلەكان تێكشكێندران، بەپێ ئەو زانیاریانەی بە دەستمان كەوتوون، زیاتر لە 15 چەكداری ئەو رێكخراوە توندڕەوە كوژراون".


أ.ن



ئه‌م بابه‌ته 1005 جار خوێنراوه‌ته‌وه‌‌

نیشانە کردن

‌‌‌

Copyright © 2016 Xendan.org all rights reserved
Design by AVESTA GROUP , programming and database by KURDSKY.COM