عیراق باشترین جۆری هەلیکۆپتەری روسیای پێدەگات


خەندان – عەبدوڵڵا محەمەد

سەرۆکی لیژنەی ئەمنی و بەرگری ئەنجومەنی نوێنەرانی عیراق رایگەیاند، کە وڵاتەکەی بەم نزیکانە ژمارەیەکی زۆر چەکی روسی بەدەستدەگات کە لەناویاندا باشترین هەلیکۆپتەرەکانی جیهانیان تێدایە.

حاکم زاملی، سەرۆکی لیژنەی ئەمنی و بەرگریی ئەنجومەنی نوێنەرانی عیراق رایگەیاند، کە عیراق گرێبەستی کڕینی 40 هەلیکۆپتەری جەنگیی جۆری می-28 و 40 هەلیکۆپتەری جۆری می-35 ی لەگەڵ روسیادا واژۆ کردووە و بڕیارە لە شەڕی دژی چەکدارانی رێکخراوی تیرۆرستیی داعشدا بەکاریانبهێنێت.

ناوبراو لە پێگەی تایبەتی خۆی لە تۆڕی کۆمەڵایەتیی فەیسبوک ئاشکرایکردووە، کە چەندین جۆری نوێی دەبابە و زرێپۆشی روسی هاوکات لەگەڵ ژمارەیەکی زۆر لە موشەکی دژە تانک بەم نزیکانە دەگەنە بەغداد و تەواوی هاوکێشەکان پێچەوانە دەکەنەوە.

ئەم هەلیکۆپتەرانە بە (راوکەری شەو) ناسراون و یەکێکن لە باشترین و پێشکەوتووترین هەلیکۆپتەرە جەنگییەکانی روسیا.





ئه‌م بابه‌ته 2384 جار خوێنراوه‌ته‌وه‌‌


Copyright © 2016 Xendan.org all rights reserved
Design by AVESTA GROUP , programming and database by KURDSKY.COM