بڕیارێكی وه‌زاره‌تی رۆشنبیری و لاوانی‌ حكومه‌تی‌ هه‌رێم ناره‌زایی لێده‌كه‌وێته‌وه‌



خه‌ندان ـ هه‌ڤاڵ غالب
 
بڕیارێكی‌ وه‌زاره‌تی رۆشنبیری و لاوانی‌ حكومه‌تی‌ هه‌رێمی‌ كوردستان بۆ بچوكردنه‌وه‌ی‌ به‌ڕێوه‌به‌رایه‌تی كتیبخانه‌ گشتیه‌كانی چه‌مچه‌ماڵ و كۆیه‌ ناره‌زایی لێده‌كه‌وێته‌وه‌ و، به‌ڕێوه‌به‌ری‌ كتێبخانه‌ گشتیه‌كانی‌ چه‌مچه‌ماڵیش ده‌ڵێت چاوه‌ڕوانی‌ بڕیاری‌ له‌م شێوه‌یه‌مان نه‌ده‌كرد.
 
كاروان حمه‌ خورشید، به‌ڕێوه‌به‌ری كتێبخانه‌ گشتیه‌كانی چه‌مچه‌ماڵ به‌ خه‌ندانی راگه‌یاند: "به‌ بیانوی كه‌م كردنه‌وه‌ی خه‌رجیه‌كان، وه‌زاره‌تی رۆشنبیری و لاوان بڕیاری داوه‌  به‌ڕێوه‌به‌رایه‌تی كتێبخانه‌ گشتیه‌كانی چه‌مچه‌ماڵ و كۆیه‌  هه‌ڵوه‌شێته‌وه‌، كتێبخانه‌ی چه‌مچه‌ماڵ بخرێته‌ سه‌ر سلێمانی و كتێبخانه‌ی كۆیه‌ش بخرێته‌ سه‌ر هه‌ولێر".

وتیشی‌: "ئێمه‌ چاوه‌ڕوانی كردنه‌وه‌ی كتێبخانه‌ی زیاتر بوین له‌ سنوره‌كه‌دا نه‌ك ئه‌وه‌ی كه‌هه‌مانه‌ بچوكتر بكرێته‌وه‌ و بخرێینه‌ سه‌ر پارێزگای‌ سلێمانی".

به‌ فه‌رمانی وه‌زاری ٧٨٣٤ له‌ ٦ /١٠ /٢٠١٥ وه‌زاره‌تی رۆشنبیری و لاوانی‌ حكومه‌تی‌ هه‌رێمی‌ كوردستان، له‌پێناو كه‌مكردنه‌وه‌ خه‌رجیه‌كان بڕیاری رێكخستنه‌وه‌ی هه‌یكه‌لی وه‌زاره‌ت و چه‌ند گۆڕانكاریه‌كیدا، له‌ نێویشیاندا بچوك كردنه‌وه‌ی‌  كتێبخانه‌ گشتیه‌كانی چه‌مچه‌ماڵ و كۆیه‌.






ئه‌م بابه‌ته 1624 جار خوێنراوه‌ته‌وه‌‌

نیشانە کردن

‌‌‌

Copyright © 2016 Xendan.org all rights reserved
Design by AVESTA GROUP , programming and database by KURDSKY.COM