یەكگرتوو: ئەگەر حكومەت ناتوانێت مانگانە تەواوی مووچەی هاونیشتمانیان بدات، با نیوەی بدات


خەندان ـ

یاریدەدەرێكی ئەمینداری گشتی یەكگرتوی ئیسلامی كوردستان رایدەگەیەنێت، لەكۆبونەوەی پێنج قۆڵیدا داوامكردووە ئەگەر حكومەت ناتوانێت مانگانە مووچەی هاونیشتمانیان بدات، ئەوا پێویستدەكات نیوە یاخود 75% ی مووچەكەیان بدات.

د.محەممەد ئەحمەد، یاریدەدەری ئەمینداری گشتی یەكگرتوی ئیسلامی كوردستان، لە لاپەڕەی تایبەتی خۆی لە تۆڕی كۆمەڵایەتی فەیسبووك، رایگەیاند: "لە كۆبوونەوەی پێنج قۆڵی دوێنێدا، داوامكرد ئەگەر حكومەت ناتوانێت مانگانە مووچەی هاونیشتمانیان بدات، ئەوا پێویستدەكات نیوە یاخود 75% ی مووچەكەیان بدات و باقیەكەش وەك قەرز لایی حكومەت بمێنێتەوە".

دەشڵێت: "لە كۆبوونەوەكەدا بەرپرسێكی باڵا پێی راگەیاندم، كە خەڵك بەو بژاردەیە رازی نابێت، منیش پێموت فەرمانبەر نیوەی مووچەكەی لەكاتی خۆی وەربگرێت ئەوەی دیكەش وەك قەرز لای حكومەت بێت باشترە لەوەی هیچ وەرنەگرێت".  

یاریدەدەری ئەمینداری گشتیی یەكگرتوو ئاماژەی بەوەشكردووە: "بەرپرسەكە بە منی وت رەزامەندی خەڵكم لەسەر وەرگرتنی نیو مووچە بۆ بێنە  منیش كاری لەسەردەكەم". 



ئه‌م بابه‌ته 2395 جار خوێنراوه‌ته‌وه‌‌


Copyright © 2016 Xendan.org all rights reserved
Design by AVESTA GROUP , programming and database by KURDSKY.COM