چوار چه‌كداری داعش كوژران

خه‌ندان- ره‌ڤه‌ند گوھه‌رزی

گه‌نجانی سه‌ربه‌خۆ له‌ شاری موسڵ ته‌قه‌یان له‌ باره‌گایه‌كی سه‌ره‌كی چه‌كدارانی رێكخراوی تیرۆریستی داعش كرد و به‌هۆیه‌وه‌ چوار چه‌كداری‌ داعش كوژران .

سه‌عید مه‌موزینی به‌رپرسی راگه‌یاندنی لقی ١٤ی پارتی دیموكراتی كوردستان له‌ موسڵ به‌ خه‌ندانی راگه‌یاند: "دوێنێ‌ شه‌و گه‌نجانی سه‌ربه‌خۆ له‌ شاری موسڵ ته‌قه‌یان له‌ باره‌گایه‌كی سه‌ره‌كی چه‌كدارانی رێكخراوی تیرۆریستی داعش كرد".

وتیشی: "به‌پێی‌ زانیارییه‌كان له‌ ئه‌نجامی ئه‌و ته‌قه‌كردنه‌دا له‌ چه‌كدارانی رێكخراوی تیرۆریستی داعش چوار چه‌كداریان كوژراون".

ئاماژه‌ به‌وه‌شكرد: "لێدانی چه‌كدارانی رێكخراوی تیرۆریستی داعش له‌ شاری موسڵ رۆژ له‌ دوای رۆژ به‌رفراوانتر ده‌بێت و خه‌ڵك زیاتر لێیان نارازی ده‌بن " .


خ.غ


ئه‌م بابه‌ته 1231 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM