توركیا فڕۆكه‌یه‌كی‌ سوریای‌ خسته‌خواره‌وه‌

خه‌ندان –

دوای‌ پێشێلكردنی‌ بواری‌ ئاسمانی‌ وڵاته‌كه‌یان، فڕۆكه‌ جه‌نگییه‌كانی‌ توركیا فڕۆكه‌یه‌كی‌ جه‌نگی‌ سوریایان خسته‌خواره‌وه‌.

كه‌ناڵی‌ "NTV"ی‌ توركیا بڵاویكرده‌وه‌ كه‌ ئه‌مڕۆ شه‌ممه‌ فڕۆكه‌ جه‌نگییه‌كانی‌ توركیا فڕۆكه‌یه‌كی‌ جه‌نگی‌ سوریایان خسته‌خواره‌وه‌.

كه‌ناڵه‌كه‌ ئاماژه‌شی‌ به‌وه‌داوه‌ كه‌ دوای‌ خستنه‌خواره‌وه‌ی‌، فڕۆكه‌كه‌ له‌ خاكی‌ سوریادا تێكشكاوه‌، به‌ڵام تائێستا وه‌زاره‌تی‌ به‌رگری‌ توركیا هیچ لێدوانێكی‌ له‌وباره‌وه‌ رانه‌گه‌یاندووه‌.

خستنه‌خواره‌وه‌ی‌ فڕۆكه‌ی‌ سوریا له‌لایه‌ن فڕۆكه‌ جه‌نگییه‌كانی‌ توركیا به‌ سێیه‌م رووداوی‌ له‌و جۆره‌ داده‌نرێت، له‌ ئازاری‌ 2014شدا توركیا فڕۆكه‌یه‌كی‌ جه‌نگی‌ سوریای‌ خسته‌خواره‌وه‌.

لای‌ خۆیه‌وه‌ كه‌ناڵه‌كانی‌ راگه‌یاندنی‌ سوریا ئه‌و هه‌واڵه‌یان ره‌تكرده‌وه‌ و جه‌ختیان له‌وه‌ كرده‌وه‌ كه‌ فڕۆكه‌ جه‌نگییه‌كانی‌ توركیا فڕۆكه‌یه‌كی‌ بچووكی‌ بێ‌ فڕكه‌وانیان خستووه‌ته‌خواره‌وه‌.

سه‌رچاوه‌ سكای‌ نیوز


ئه‌م بابه‌ته 2852 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM