یەكەی نیشتەجێبوون بۆ كەسوكاری شەهیدان دابین دەكرێت

خەندان-

لەكۆبوونەوەی ئەمڕۆی ئەنجومەنی وەزیراندا، وەزیری ئاوەدانكردنەوەی حكومەتی هەرێم پێشنیازی كردووە لەو پرۆژانەی نیشتەجێبوون كە ئێستا دروست دەكرێت یەكەی نیشتەجێ‌ بوون بۆ كەسوكاری شەهیدان دابین بكرێت.

دەرباز كۆسرەت رەسوڵ وەزیری ئاوەدانكردنەوەو نیشتەجێ كردنی حكومەتی هەرێم لەكۆبوونەوەكەی ئەنجومەنی وەزیراندا پێشنیاری كردووە كە یەكەی نیشتەجێ بوون بۆ كەسوكاری ئەو پێشمەرگە شەهیدانە دابین بكرێت كە لە رووبەڕوو بوونەوەی رێكخراوی تیرۆریستی داعشدا شەهید بوون.

پێشتریش وەزیری ئاوەدانكردنەوەی حكومەتی هەرێم، لە 17 مانگی ئابی ساڵی 2014 دا داوای هاوكاریكردنی كەسوكاری ئەو شەهیدانەی كرد بوو، كە لەڕووبەڕوو بوونەوەی رێكخراوی تیرۆریستی داعشدا شەهید بوون.

لە كۆبوونەوەی ئەمڕۆی ئەنجومەنی وەزیراندا بڕیار درا پارچەیەك زەوی، یان شوقە بەسەر خانەوادەی شەهیدانی شەڕی دژی تیرۆردا دابەش بكرێت، بۆ ئەو مەبەستەش‌ لایەنە پەیوەندارەكان بۆ جێبەجێكردنی بڕیارەكە ڕاسپێردران.






م.ر


ئه‌م بابه‌ته 945 جار خوێنراوه‌ته‌وه‌‌

نیشانە کردن

‌‌‌

زۆرترین خوێندراو


Copyright © 2015 Xendan.org all rights reserved
Design by AVESTA GROUP , programming and database by KURDSKY.COM