دانیشتنی‌ میوانداریكردنی عه‌بادی‌ بۆ ئه‌نجومه‌نی نوێنه‌ران بووه‌ نهێنی‌

خه‌ندان- عه‌لی‌ ناجی‌  


ئه‌نجومه‌نی‌ نوێنه‌رانی‌ عیراق، دانیشتنی‌ میوانداریكردنی‌ عه‌بادی‌ و فه‌رمانده‌ ئه‌منییه‌كانی‌ كرده‌، دانیشتنێكی‌ نهێنی‌.

ئه‌نجومه‌نی‌ نوێنه‌رانی‌ عیراق، دانیشتنی‌ میوانداریكردنی‌ حه‌یده‌ر عه‌بادی‌ فه‌رمانده‌ی‌ گشتی‌ هێزه‌ چه‌كداره‌كان و سه‌رۆك وه‌زیرو هه‌ردوو وه‌زیری‌ به‌رگری‌ و ناوخۆو فه‌رمانده‌ ئه‌منییه‌كانی‌ كرده‌، دانیشتنێكی‌ نهێنی‌.

له‌و باره‌یه‌وه‌ سۆزان به‌كر په‌رله‌مانتاری‌ یه‌كێتیی‌ نیشتیمانیی‌ كوردستان به‌ خه‌ندانی‌ راگه‌یاند: "دوای‌ ئه‌وه‌ی‌ په‌رله‌مانتاران ده‌نگیاندا تا هه‌ندێك زانیاری ئه‌منی‌ وڵات به‌شێوه‌یه‌كی‌ نهێنی‌ گفتوگۆ بكه‌ن، سه‌رۆكایه‌تی‌ ئه‌نجومه‌نی‌ نوێنه‌ران بڕیاریدا، دانیشتنه‌كه‌ بكاته‌ دانیشتنێكی‌ نهێنی‌".

بۆ تاوتوێكردنی‌ ره‌وشی‌ ئه‌منی‌ ئێستای‌ وڵات، ئه‌مڕۆ حه‌یده‌ر عه‌بادی‌ سه‌رۆك وه‌زیرانی عیراق و خالید عوبه‌یدی‌ وه‌زیری‌ به‌رگری‌ و محه‌مه‌د سالم غه‌ببان وه‌زیری‌ ناوخۆ و فه‌ریق روكن تاڵب شه‌غاتی‌ فه‌رمانده‌ی‌ ئۆپراسیۆنه‌ هاوبه‌شه‌كان و فه‌ریق روكن عه‌بدولئه‌میر شه‌ممه‌ری‌ فه‌رمانده‌ی‌ ئۆپراسیۆنه‌كانی‌ به‌غدا و ژماره‌یه‌ك فه‌رمانده‌ی‌ ئه‌منی‌ تر،" گه‌یشتنه‌ باره‌گای‌ ئه‌نجومه‌نی‌ نوێنه‌ران.
     


پ.ز


ئه‌م بابه‌ته 757 جار خوێنراوه‌ته‌وه‌‌

نیشانە کردن

‌‌‌

                

زۆرترین خوێندراو


Copyright © 2015 Xendan.org all rights reserved
Design by AVESTA GROUP , programming and database by KURDSKY.COM