له‌ 10 مانگدا زیاتر له‌ سێ هه‌زار چه‌كداری داعش و نوسره‌ كوژراون

خه‌ندان –

روانگه‌ی سوریا بۆ مافه‌كانی مرۆڤ رایگه‌یاند، فڕۆكه‌كانی هاوپه‌یمانێتیی نێوده‌وڵه‌تی له‌ماوه‌ی 10 مانگدا، 3042 چه‌كداری رێكخراوی تیرۆریستی داعش و به‌ره‌ی نوسره‌ (رێكخراوی قاعیده‌ له‌ وڵاتی شام)یان كوشتووه‌ كه‌ چه‌ندین سه‌ركرده‌یان تێدایه‌.

روانگه‌كه‌ له‌به‌یاننامه‌یه‌كدا كه‌ دوێنێ پێنجشه‌ممه‌ بڵاویكرده‌وه‌، ده‌شڵێت، هه‌ر له‌و ماوه‌یه‌دا و له ‌ئه‌نجامی ئه‌و هێرشانه‌دا 170 هاوڵاتی مه‌ده‌نی كوژراون و ده‌یانی تریش برینداربون.

ئاماژه‌ی به‌وه‌ش دا كه‌ كۆی ژماره‌ی كوژراوه‌كان له‌ 23ی ئه‌یلولی رابردووه‌وه‌ تا به‌ره‌به‌یانی دوێنێ، گه‌ یشتووه‌ته‌ لانی كه‌م سێ هه‌زار و 216 كه‌س.

روانگه‌كه‌ رونیشكرده‌وه‌، زۆربه‌ی كوژراوه‌كانی داعش ره‌گه‌زنامه‌ی ده‌ره‌وه‌ی سوریایان هه‌یه‌و چه‌ندین سه‌ركرده‌ش له‌ناو كوژراوه‌كاندایه‌ هه‌یه‌ له‌وانه‌: ئه‌بو ئوسامه‌ عیراقی (والی ولایه‌تی به‌ر‌كه‌)، عامر ره‌فدان (والیی پێشوی ویایه‌تی خه‌یر) و ئه‌بو سه‌یاف.

هه‌ر به‌گوێره‌ی روانگه‌كه‌، له‌كوژراوه‌كانی ئه‌و ماوه‌یه‌دا دوو هه‌زار و 927یان چه‌كداری داعش و 115شیان هی نوسره‌ بون. له‌ناو كوژراوه‌كانی نوسره‌شدا چه‌ندین سه‌ركرده‌ هه‌ن له‌وانه‌ موحسین فه‌زڵی و ئه‌بوهه‌مام و ئه‌بو عومه‌ر كوردی و ئه‌بوحه‌مزه‌ فه‌ره‌نسی و ئه‌بو قه‌تاده‌ی تونسی.

له‌عه‌ره‌بییه‌وه‌: والی عه‌لی
سه‌رچاوه‌: alriyadh.com


ئه‌م بابه‌ته 682 جار خوێنراوه‌ته‌وه‌‌


Copyright © 2015 Xendan.org all rights reserved
Design by AVESTA GROUP , programming and database by KURDSKY.COM