به‌ ڤیدیۆ... پێشمەرگە و حەشدی شەعبی چاودێری جموجوڵی یەكتری دەكەن

خه‌ندان - سۆران

بەپێی راپۆرتێكی دەنگی ئەمەریكا ، هێزی پێشمەرگە و چەكدارەكانی حەشدی شەعبی لە گوندی مەرجانە كه‌ ده‌كه‌وێته‌ نێوان هه‌ردوو ناحیه‌ی جه‌له‌ولا و سه‌عدیه‌ له‌ سنووری‌ قه‌زای‌ خانه‌قین، ئەو گوندەی هەفتەی رابردوو تێیدا بەشەڕ هاتن، چاودێری جموجوڵی یەكتری دەكەن.

راپۆرتەكەی دەنگی ئەمەریكا كە لەلایەن دڵشاد ئەنوەری پەیامنێری كەناڵەكەوە ئامادەكراوە، تێیدا ئەوە خراوەتەڕوو كە لە ڕووبەری دوو كیلۆمەتردا لەنێوان جەلەولا و سەعدیە، سوپای عێراق و حەشد و پێشمەرگە بارەگایان داناوە و هەرسێ‌ هێزەكەش چاودێری یەكتری دەكەن.

چاودێریكردنی جموجوڵی یەكتری، لەكاتێكدایە هەفتەی رابردوو شەڕ لەنێوان پێشمەرگە و حەشدی شەعبی روویدا كاتێك كە پێشمەرگە ویستیان لەو ناوچەیە خەندەق لێبدەن.

ناحیه‌ی جه‌له‌ولا كه‌ سه‌ر به‌قه‌زای‌ خانه‌قینه له‌ پارێزگای‌ دیاله‌، پێشتر بۆ ماوه‌ی‌ چه‌ند مانگێك له‌لایه‌ن داعشه‌وه‌ داگیركرا، دواتر هێزه‌كانی‌ پێشمه‌رگه‌ توانییان كۆنترۆڵی‌ بكه‌نه‌وه‌ و پێش ماوه‌یه‌كیش ته‌واوی‌ هێزه‌كانی‌ حه‌شدی‌ شه‌عبی‌ له‌و ناحیه‌یه‌ ده‌ركران.



ئه‌م بابه‌ته 7305 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM