بارزانی یاسای سندوقی داهاته‌ نه‌وتییه‌كانی ئیمزاكرد

خه‌ندان ـ  هه‌ستیار

سه‌رۆكی هه‌رێمی كوردستان یاسای سندوقی كوردستان بۆ داهاته‌ نه‌وتی و گازییه‌كانی په‌سه‌ند كرد، به‌پێی یاساكه‌ش دوای ئه‌وه‌ی له‌لایه‌ن سه‌رۆكی هه‌رێمه‌وه‌ ئیمزای له‌سه‌ر ده‌كرێت و له‌ رۆژنامه‌ی وه‌قایعی كوردستان بڵاوده‌كرێته‌وه‌، ده‌بێت له‌ماوه‌ی 90 رۆژدا ده‌سته‌كه‌ی دابمه‌زرێت.

به‌پێی‌ نووسراوێك كه‌ وێنه‌یه‌كی ده‌ست خه‌ندان كه‌وتووه‌، تیایدا هاتووه‌: په‌رله‌مانی كوردستان له‌ دانیشتنی ژماره‌ شه‌شی ئاساییی خۆیدا، له‌ رۆژی 1-4-2015، یاسای سندوقی كوردستان بۆ داهاته‌ نه‌وتی ‌و غازییه‌كانی په‌سه‌ند كرد و ئاراسته‌ی سه‌رۆكایه‌تی هه‌رێمی كوردستانی كرد به‌ مه‌به‌ستی ئیمزاكردنی.

لای خۆشییه‌وه‌ سه‌رۆكی هه‌رێمی كوردستان به‌ بڕیاری ژماره‌ هه‌شـتی ساڵی 2015 له‌ 30-4-2015 ئیمزای له‌سه‌ر یاساكه‌ كردووه‌.

یاساكه‌ له‌ 16 ماده‌ پێكهاتووه‌، هۆكاره‌كانی ده‌رچوواندنی ‌و مه‌به‌ست له‌ ده‌رچوواندنیشی به‌ دامه‌زراوه‌ییكردنی كه‌رتی نه‌وت ‌و غازه‌ له‌ هه‌رێمی كوردستان، هه‌روه‌ك ئاماژه‌ش به‌وه‌ دراوه‌ كه‌ دوای ئه‌وه‌ی سه‌رۆكی هه‌رێم یاساكه‌ ئیمزا ده‌كات و له‌ رۆژنامه‌ی وه‌قایعی كوردستاندا بڵاو ده‌بێته‌وه‌، ده‌بێت له‌ماوه‌ی 90 رۆژدا ده‌سته‌كه‌ی دابمه‌زرێت.

هه‌روه‌ك سه‌رۆكی ده‌سته‌كه‌ ده‌سه‌ڵاتی وه‌زیری ده‌بێت و ده‌سته‌كه‌ش سه‌ر به‌ ئه‌نجومه‌نی وه‌زیران ده‌بێت، كاره‌كانی بریتی ده‌بێت له‌ كۆكردنه‌وه‌ی داهاته‌كانی نه‌وت، به‌ڵام ده‌رهێنانی پاره‌ له‌و سندوقه‌ به‌ئاگاداری په‌رله‌مان ده‌بێت.

خ.غ




ئه‌م بابه‌ته 755 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM