ژنان ده‌بنه‌ خاوه‌ن مزگه‌وتی خۆیان

خه‌ندان ـ

ئه‌نجومه‌نی خانمانی ئیسلامی له‌ بریتانیا، پلانێكی بۆ بنیادنانی مزگه‌وتێك راگه‌یاند كه‌ ته‌نیا له‌لایه‌ن ژنان خۆیانه‌وه‌ به‌ڕێوه‌ببرێت.

رۆژنامه‌ی The Timesی چاپی له‌ زاری پانا گۆرا، سه‌رۆكی جێبه‌جێكاری ئه‌نجومه‌نی خانمانی ئیسلامی له‌ بریتانیا بڵاویكرده‌وه‌، زۆربه‌ی خانمان ناڕه‌زاییان له‌وه‌ ده‌رده‌بڕی مزگه‌وتێكی تایبه‌ت به‌خۆیان نییه‌ و ئه‌وه‌ی پێویستیانه‌ بۆیان دابین ناكرێت، بۆیه‌ ئه‌نجومه‌نه‌كه‌ ئه‌م ده‌ستپێشخه‌رییه‌ی كردووه‌.

پانا راشیگه‌یاندووه‌ كه‌ ئه‌نجومه‌نه‌كه‌ به‌نیازه‌ مزگه‌وته‌كه‌ له‌ شاری برادفۆرد بكاته‌وه‌ و وتی: "له‌ سه‌رده‌می پێغه‌مبه‌ردا (د.خ)، مزگه‌وته‌كان ناوه‌ندی كۆمه‌ڵگه‌ و سه‌رچاوه‌ی فێركردن بوون، بۆیه‌ هیواخوازن له‌م سه‌رده‌مه‌شدا ئه‌و كاره‌ دووباره‌ بكه‌نه‌وه‌."

سه‌رۆكی جێبه‌جێكاری ئه‌نجومه‌نی خانمانی ئیسلامی له‌ بریتانیا ئه‌وه‌شی به‌بیرهێناوه‌ته‌وه‌ كه‌ یه‌كه‌م خانم پێشنوێژیی بۆ نوێژخوێنان كردبێت، ناوی (ئه‌مینه‌ ودود) بووه‌ له‌ شاری ئۆكسفۆرد، یه‌كه‌م مزگه‌وتی تایبه‌ت به‌ خانمانیش له‌ لۆس ئه‌نجلس كراوه‌ته‌وه‌.


خ.غ




ئه‌م بابه‌ته 3403 جار خوێنراوه‌ته‌وه‌‌

نیشانە کردن

‌‌‌

Copyright © 2015 Xendan.org all rights reserved
Design by AVESTA GROUP , programming and database by KURDSKY.COM