خهندان ـ چهند كهسێكی نزیك له ههردوو ئهكتهری بهناوبانگ هایدی مۆنتاگ و سپانسهر برات ئاشكرایانكرد ئهو دووانه لهجیابوونهوهدان.
پارێزهرهكهی كچه ئهكتهر هایدی مۆنتاغ رایگهیاند: هایدی بهرهسمی داوای تهڵاقی له سپانسهر براتی مێردی كردووه، دوای ئهوهی دوو مانگ ههوڵیدا بیانوویهكی یاسایی بۆ جیابوونهوهكهی بدۆزێتهوه.
پارێزهرهكه وتیشی "هایدی داوای جیابوونهوهكهی بۆ دادگا بهرزكردووهتهوه و لهگهڵ سپانسهریشدا رێككهوتوون لهسهر جیابوونهوه".
جهختیشیكردهوه هیچ ناكۆكیهك لهنێوان ئهو دوانهدا نییه سهبارهت بهكۆتایهێنان بهپهیوهندیهكهیان.