خهندان ـ وتهبێژی وهزارهتی گهشتوگوزارو ئاسهواری عیراق ڕایگهیاند: زۆربهی وڵاتانی ئهوروپی و ههرێمی هاوكاری عیراق دهكهن بۆ گێرانهوهی ئاسهواره دزراوهكانی، بێجگه لهئێران و ئیسپانیا، سهرهڕای پێشكهشكردنی بهڵگهی ڕهسمی كهدهیسهلمێنێت ئاسهواری عیراقی دزراو بهشێوهیهكی نایاسایی بۆ ئهو دوو وڵاته گوازراونهتهوه.
عهبدولزههره تاڵقانی وتهبێژی وهزارهتی گهشتوگوزارو ئاسهواری عیراق ئاشكرایكرد: عیراق 2470 پارچه ئاسهواری خۆی لهئوردن وهرگرتووهتهوه، توركیاش 4 پارچهی ئاسهواری بۆ عیراق گێراوهتهوه و لهم مانگهشدا هۆڵهندا 70 ئاسهواری بۆ عیراق گێڕاوهتهوه.
وتهبێژی وهزارهتی گهشتوگوزارو ئاسهواری عیراق ئهوهشی خستهڕوو، وڵاته ئهوروپییهكان بهتایبهتی هۆڵهندا، ئیتالیا، ئهڵمانیا و پۆڵهندا هاوكاری عیراقیان كردووه، لهگێرانهوهی پارچه ئاسهواره دزراوهكاندا، هاوكات وڵاتی "پیرۆ"ش 3 تابلۆی قوڕینی گێراوهتهوه كهنوسینی "مسمار"یان لهسهره، وتیشی: "بهڵام ئێران و ئیسپانیا هاوكاریمان ناكهن لهبهدواداچوونو گێڕانهوهی پارچه ئاسهواره دزراوهكاندا، لایهنی ئیسپانیش ئهو ڕهتدهكاتهوه كه 22 پارهچه ئاسهواری دزراو بۆ عیراق بگێڕێتهوه، سهرهڕای داواكانی وهزارهتهكهمان ئێرانیش هاوكاریمان ناكات لهو بارهیهوه".