خهندان ـ ئهندامێكی ئیئتیلافی ئهلعیراقییه، پێنجشهممه، رایگهیاند بهكارهێنانی كهركوك وهك سهفقهی سیاسی لهلایهن هاوپهیمانیی كوردستانهوه لهگفتوگۆكانیدا لهگهڵ قهوارهكانی دیكه قبوڵ ناكرێت، جهختیشیكردهوه كه ئهو دۆسیهیه بۆ ئهوه ناشێت بچێته بهرنامهی كاری گفتوگۆكانی نێوان ئهلعیراقییهو هاوپهیمانیی كوردستانهوه.
عومهر جبوری كه یهكێكه له ئهندامهكانی سهر به لیستی ئهلعیراقییهی ئهیاد عهلاوی، به ئاژانسی (ئهسوات ئهلعیراق)ی راگهیاند “سهرۆكی وهفدی دانوستانكاری كورد له بهغدا رۆژ نوری شاوهیس رایگهیاندووه كه كهركوك لهڕووی مێژووییو نهتهوهییهوه سهر به ههرێمی كوردستانه، ئێمه ئهو لێدوانه رهت دهكهینهوهو رایدهگهیهنین كه ئهوه ههلی گفتوگۆی جدی لهگهڵ لایهنه كوردییهكان كهم دهكاتهوه”.
ناوبراو وتیشی “بهكارهێنانی كهركوك وهك سهفقهی سیاسی لهلایهن هاوپهیمانیی كوردستانهوه لهگفتوگۆكانیدا لهگهڵ قهوارهكانی دیكه، رهت دهكهینهوهو رایدهگهیهنین كه مهسهلهی كهركوك بۆ ئهوه ناشێت بچێته بهرنامهی كاری گفتوگۆكانی نێوان ئهلعیراقییهو هاوپهیمانیی كوردستانهوه”.
جبوری ئاماژهی بهوهشدا كه “سوربوونی سهركرده كوردهكان لهسهر كوردستانیبوونی كهركوك لهلایهن كۆی پێكهاتهكانی گهلی عیراقهوه رهت دهكرێتهوه، بهتایبهتیش ئهو ماده دهستورییهی تایبهته بهو شاره له یهكی دیسێمبهری 2007دا ماوهی بهسهرچووه”.
ناوبراو سهرسوڕمانی خۆی نیشان دا لهو جۆره لێدوانه “لهكاتێكدا وڵات به قهیرانی پێكهێنانی حكومهتدا تێدهپهڕێت”.