ڕیفراندۆم، دواچانسی بارزانی

دەلیل جەمال - 24-07-2017 - 2645 جار خوێندراوەتەوە

لەناو مێژووی خەباتی هەر سەرکردەو کارەکتەرێکی دیاری سیاسی و شۆڕشگێڕی، چەندین ڕووداوو هەنوو دێنەپێش، جا ئەو ڕووداوانە چۆن و بەچ شێوازێک دەتوانێت بەرخوردو، مامەڵەیان لەگەڵ بکات، بەجۆریک دەتوانێت ببێتە سەرمەشقی دەرکەوتەو لێکەوتەی باش و دەستپێشخەری دیاروبەرچاو،بەواتای ئەوەی کە سنوری ئایدۆلۆژیای داخراو عبورکات و وەک کارەکتەرێکی بەرفراوانتر ڕۆڵ بگێڕێت.

مێژووی کورد ڕووداوگەلی زۆری هەبوون و کارەکتەرو سەرکردەشی هەبووە، کەبتوانێت ڕۆڵی سەرکردە بگێڕێت و ئاراستەی ڕووداوەکان بەرەو تەبایی و لەخزمەتی چاکەی گشتی و نیشتیمانیدا ببات، بەڵام ئەوە مێژووەو بەداخەوە، زۆرجار سەرکردەکان نەیان توانیوە خۆیان لە بیری تەسکی سیاسی و ئایدۆلۆژی کورت خایەنی ڕۆژگار بەدوربگرن و دواجار کۆمەڵگە باجی سەرسەختی و دەمارگیری سەرکردەکانی بووە.

من نامەوێ بچمەناو وردەکاری مێژوو ڕابردوو، ڕووداوو بەسەرهاتەکان بگێڕمەوە هێندەی دەمەوێ سەره‌تایەک بۆ بابەت و مەبەستی ئێستا بخەمەڕوو، ئێستا هەرێمی کوردستان بەدۆخ و واقعێکی هەستیارو پڕ لەگرفت و کێشەی سیاسی و ئابووری وکۆمەڵایەتیدا تێدەپەڕێت،دوای ڕاپەڕینی بەهاری ۱۹۹۱و دروست بوونی حوکمەتێکی خۆماڵی و هەڵگیرسانی شەڕی براکوژی و لەسەرەتای خۆبونیادناندا دوچاری قەیرانی دابەشکاری شارەکان بوین و ئەزموون تێکشکا بەڕادەی ئەوەی زۆردواکەوتین بەجۆریک ئاسەواری ئەو براکوژییە هەرماوەو هێشتا نەتوانراوە فۆبییای ئەو بەریەککەوتنە لەگۆڕنرێت، لەهەر حاڵەتێکدا ترسی بەریەککەوتنی براکان هەیە، بەڕادەی ئەوەی بەتەنها ئاماژەیەک سنورەکان جیادەبنەوەو ئەم ئەزموونە دەڵەمەیە دەبێتەوە بەئاو، ئێستا بەم دۆخەوە کەئەمادەوسازنییەو هیچ کارێکی تێدانەکراوە،بەرەو ڕیفراندۆم و سەربەخۆیی دەچین، لەکاتێکدا،کە مام جلال وەک کارەکتەرێکی دیاری خەبات وکاریگەریش غیابەو لەدەرەوەی ڕوداوەکانە، کاک نەوشیروانیش لەژیان نەماوە، ئەوەی ئێستا هەیە کاک مسعودە، من باسی ئەو کارەکتەرو سیاسییانە ناکەم کەئێستا هەن و بگرە کاریگەری خۆیان هەیە، ئەوەندەی دەمەوێت، باس لەدواچانسی بارزانی بکەم، هەرچەند لەڕابردوودا، دەکرێت چانسی ئەوەی هەبووە ڕۆڵی خۆی بگێڕێت و بتوانێت لەچوارچێوەی حیزیب بێتەدەرو نەکەوێتە ناو ململانێ بچوک و تاڕادەی نالۆژیکی، به‌ڵام بەهەر فاکتەریک بووە نەتوانراوەو نەیکردووە.

لەئێستادا زۆرتر چاوەکان لەسەر بارزانین، ئەویش لەکۆتایی کایە سیاسی و ڕووداوە سیاسییەکانەو، مەسەلەی ڕیفراندۆم دوا مەنزڵی سیاسییە، بە حوکمی تەمەن و ماوەی یاسایی پۆستەکەی، هەرچەند لەساڵانی ڕابردوو ماوەی یاسایی تەواوبووە، بۆیە چانسی مانەوەی تەواوبووە، ئێستا لەغیابی ئەوانی تری هاوشانی ئەو ماوە، من قسەم لەسەرخەبات و تێکۆشانی خۆیی و بنەماڵەی نییەو جێی تەقدیرە، بەڵام دەکرێت لەمێژووی خۆی دوای ڕاپەڕین کە کارەکتەرێکی بەرچاوبووەو بەردەوام کەسی یەکەمی حوکمڕانی بووەو، زۆرترین نەهامەتی و کێشەکان دەکەونە سەرشانی وەک سەرۆکی حیزب و سەرۆکی هەرێم، پێشێلی یاساو درێژکردنەوەی ماوەبۆی و داخستنی پەرلەمان و گەندەڵی ئیداری و ڕەزالەتی ژیانی هاووڵاتیان، دواجار بازانی لەگەڵ ئەو هەموو دەسەڵات و پێگە سیاسی و ئیدارییەی نەیتوانییوە، ڕۆڵ بگێڕێت و بۆمێژووی خۆی و میللەتەکەی کارێک بکات بمێنێتەوە، من پێموایە دواچانسی مەسەلەی ریفراندۆمە،کەدەتوانێت، لەم سۆنگەوە، ڕۆڵی خۆی بگێڕێت و پەرتەوازەیی کۆتایی بێت و ئەوەندەی ماوە ڕۆڵی یەکڕیزی لایەنەکان بدات و کۆمەڵگە لەم شێواوی و نادادیە ڕزگاربکات، ئەمەش بە لەخۆبوردەیی وبیرو ڕۆحی نیشتمانی دەبێت، هەربۆیە پێموایە، بارزانی دەیەوێت، لەڕێگەی ڕێفراندۆمەوە، پەردەبەسەر ئەو دۆخ و ڕووداوانەدا بهێنێت، کە بەجۆرێک کەسەبەبیان کورسییەکەی بووەو ئەو وەک سەرکردەیەک نەیتوانیوە ڕۆڵی ئیجابی بگێڕێت، نەیتوانیوە، لەدەرەوەی حیزب ڕۆڵ بگێڕێت، هەرچەند چانسی زۆری هەبوو، ببێتە کەسێکی دیاری ناو ڕووداوەکان و بەجۆرێک سنوری تەسکی حیزبی ببرێت و بەسەنگی خۆی سەنگی هەبێت لە چاوکێشەکان، ئێستاش دەتوانێت، ئەوەندەی تەمەن و کاریگەری ماوە، ڕۆڵی خۆی بگێڕێت، دوور لە دەربارو دەوروبەری، جا ئەم چانسە مێژوویەی کە لەبەردەم بارزانیدایە، چۆن و بەچ شێوازێک بەکاری دەهێنێت؟ من پێموایە دواچانسەو پێموانییە چانسی ئاوا بێتە پێش، کە بتوانێت، ڕۆڵی سەرکردە بگێڕێت. بەم شێوازەی کەهەیە بەم پەرتەوازەی سیاسی و بێمتمانەیەی کەهەیە گەر ڕۆڵ نەگێڕێت، ئەوچانسە مێژوویە لەدەست دەدات، تەنها ڕیفراندۆم ئەنجامدان کارەباشەکە نییە، بەڵکو کارەباشەکە یەکڕیزیی میللەتە یەکدەنگی و یەک هەڵوێستییە کەزامنی سەرکەوتنی ڕیفراندۆم و قۆناخەکەیە. کەمن پێموایە تێپەرینی کات لە ساڵحی بارزانیدا نییە، ئەوەندەی دەکرێت ئەم چەند مانگە بێتە دەرەوەی بازنەی حیزب ولە بازنەی نەتەوەو نیشتیمانا بڕیاری چارەسەر بۆ گرفت و کێشەکان بدات، هەرچەند پێموانییە بتوانێت، یان چانسی چاکسازی و دانانی بناخەی دەوڵەتێکی مەدەنی هەبێت ،بەڵام چانسی ئەوەی هەیە لەمپەری بەردەم ڕیفراندۆم کەمتازۆر لاببات و هەوڵی سه‌رکەوتنی بدات.....
 

ئەم وتارە دەربڕی رای نوسەر خۆیەتی و خەندان لێی بەرپرسیار نییە

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP