هەواڵی ئەمڕۆ

بۆچی دەبێ لەگەڵ ڕیفڕاندۆم بین؟

کاوسێن بابەکر - 12-06-2017 - 3014 جار خوێندراوەتەوە


هەرچەند زۆر گەشبین نیم لەبەر ئەو شپرزەییە ی ناوماڵی کوردودەوڵەتانی دراوسێش،کە کوردستانیان بەسەردا دابەشکراوە باش دەناسم وعەرەبیش کە بیستو دوو دەوڵەتیان هەیەو هەمووانیش پشتگیری دەوڵەتی فەلەستین دەکەن ببێ بە بیسوسێ وبەهەمان نەفەسیش دژایەتی دەوڵەتۆکەیەکی کوردی دەکەن باش تێدەگەم،بەڵام زۆر دڵخۆشم کە سەرکردایەتی سیاسی کورد لەکۆتاییدا توانی بڕیارێکی ئازایانەبدا،لەبەر ئەم خاڵانەی خوارەوە دەبێ پشتگیری سەرخستنی ڕیفڕاندۆم بکەین؛

*-خەونی سەرجەم گەلی کوردستان وشەهیدەسەربەرزەکانمانەو سەرجەم شۆڕش وقوربانیەکانیشمان هەر بۆ سەربەخۆیی بووە.

*-چەندین دەرفەتی زێڕینمان لەدەست داوەو دوایینیان کاتی ڕاپەڕینەکە بوو،کێ دەڵێ بەم زوانە دەرفەتێکی تر هەڵدەکەوێتەوە؟ئایا کۆتایی شەڕی داعش وبەهێزتر بوونەوەی عێڕاق لەقازانجی ڕیفڕاندۆم وڕاگەیاندنی سەربەخۆییە؟

*-چارەسەری سەرەکی وکۆتایی کێشەی کورد ومەینەتیەکانی گەلەکەمان هەر سەربەخۆیی یەکجاری ودەوڵەتی کوردستانە وتا ئەوە بەدینەیەت کێشەکانمان تەواو نابن و مەترسیەکانی ئەنفال وجینوسایدوکۆمەڵکوژیەکان نەڕەویونەتەوەو داعش باشترین بەڵگەیە،کەهەڵقوڵاوی ئەو کەلتورە ئیسلامیە عەرەبیە فاشیەیە کەهێشتا منداڵدانێکی ئامادەو گەنجە بۆ لەدایکبونی دەیان داعشی تر!

*-ناکرێ ونابێ ڕیفڕاندۆم،بە پەرلەمان وکێشە ئیداری وسیاسیەکانەوە ببەستینەوە،دەیان نمونەی دونیامان هەیە کە ڕیفڕاندۆم کراوەو سەرەتا ئامانجەکانی نەپێکاوەو دواتر دەوڵەتی سەربەخۆیان دروست کردوە،کۆسۆڤۆ تەنانەت پەرلەمانیشیان نەبوو،ڕیفڕاندۆمیان کرد،سەرەتا کەس پشتگیری نەکردن وخرایە ژێر سەرپەرشتی نەتەوەکان ودواتر سەربەخۆیی ڕاگەیاند هەر بەپشت بەستنی بەڕیفڕاندۆمەکۆنەکە.

*-ئەم ڕێفڕاندۆمە دەبێتە بەڵگەنامەیەکی قانوونی بەهێز کە گەل بڕیاری لێداوە.
*-ئەم دەوڵەتە دەبێتە پشت وپەنای پارچەکانی دیکەی کوردستان وتوانای سەربازی وئابوری وسیاسیمان زیاتر دەبێ وباشتر دەچینە ناو هاوپەیمانیەتەکان وبەوقورساییە سیاسی وسەربازی وئابوریە هاوکێشەکان باستر دەخەینە قازانجی خۆمان. زووتر ئەوانیش بەئامانجەکانیان دەگەن.

*-ئێستا کە کێشەی بێ مووچەیی وناشەفافی وگەندەڵی هەیەو خەڵک وەزاڵەهاتووەو دەشترسن ئەگەر خۆپێشاندانی گەورەبکەن بۆ لادانی دەستەڵات مەترسی بکەوێتە سەر دەستکەوتەکانمان ودیسان هێزێکی دەرەکی یان بەغدا بە بیانوی نائەمنی داگیرمان بکەنەوە،بەڵام ئەگەر دەوڵەتمان هەبێ،کۆمەڵانی خەڵک وئۆپزسیۆن دەستیان کراوەتر دەبێ بۆخۆپێشاندان ومانگرتن تا لادانی دەستەڵات وبەهێزکردنی پرۆسەی دێموکراسی ودەستاودەستکردنی دەستەڵات،ئیدی بۆچی شێروڕێویانی بۆ دێننەوە؟هەر لەبەر ئەوەی حزبێک یان کەسێک داوای دەکات وتۆ کێشەت لەگەڵی هەیە؟ئەوانەی داوای جیاکردنەوەی سلیمانی و هەولێردەکەن جگە لەپێشاندانی قینی ڕەشی دژە سەربەخۆیی یان ناوچەگەری شتێکی تر نییە.

وەرن با وێڕای خەبات بۆ کاراکردنەوەی پەرلەمان بۆ باشترکردنی ژیان وگوزەرانی خەڵک ومووچەخۆران،بۆ قەڵاچۆکردنی گەندەڵی بۆ سەروەری یاسا...بەڵێ بکەینە دروشمی دەست ودڵ وڕۆحمان،با سندوقەکان لێوڕێژ کەین لەبەڵێ،ئەم کارەنەبۆپارتی ونە لەڕقی گۆڕان نەکەین مافەو ئەرکە لەسەرمان بۆ نەوەکانی ئایندە،بۆئاسودەکردنی ڕۆحی نەمری شەهیدان.

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP