حیزبی كوردی دوای غیابی سەرۆكەكانیان

دەلیل جەمال - 25-05-2017 - 3061 جار خوێندراوەتەوە


دیارە حیزبی كوردی زۆربەیان دەرهاویشتە ی بارودۆخ و واقعێكی دیاری كراون، بەجۆرێك هەڵگری شوناسێكی شۆڕشگێڕی و چەكدارین،كە بۆدۆخ و زرووفی خۆی پێویست وزەرورەتی ئەو ڕۆژگارەبوون، بەجۆرێك پێویستی بەپاڵەوان ومرۆڤی بەهێزو بەتوانابووە، هەربۆیە كەسەیردەكەی یان دراسەی پێكهاتەی حزبەكان دەكەیت، پێكهاتەیەكە هەموویان خاڵی هاوبەش لەڕووی فۆڕمەوە بەدی دەكرێت.

 دواجار كاریگەری كەسی یەكەم لەسەر ئەم حزبانە لەڕووی سیاسەت وچۆنییەتی بڕیارو كاركردن دیارە،تاڕادەی ئەوەی بون ومانیان دەكەوێتە خانەی بوون ومانی كەسی یەكەم،چونكە بەجۆرێك ئاوات وخواستیان بە بە بەهێزی كەسی یەكەم هەڵدەواسن،چونكە كەسی یەكەم لەڕوی فۆڕم وتارادەیەك جەوهەریشەوە،هەڵگری بەشێكی زۆری شوناسی ئەم حزبانەیە،هەربۆیە لەفەراغی كەسی یەكەمدا،شوناسیان دەشێوێت،وێنەو ئامانجییان لێڵ و ون دەبێت،،چونكە بەشێوەی هەرەم هەڵكەوتوون لوتكە،كۆكەرەوەی هەموودیدو بۆچونەكانە،هەربۆیە كەسەر غیاب دەبێت.

جەستە بەدوای سەرا دەگەڕێت، بۆ ئەوەی خۆی تەواوكاتەوە، بۆكاتی خۆی وواقعی خۆی تەواو بووە،بەڵام مەرج نییە ئەو فۆڕم وناوەڕۆكە،دوای كەسی یەكەم بۆئەم واقعە دەست بدات،بۆنمونە یەكێتی دوای غیابی مام جلال،كێشەی شوناس وبڕیارو سیاسەتی هەیە،لەگەڵ غیابی سەری یەكەم ،بێسەرە وزۆرجار هەندێك تەمسیلی كەسی یەكەم دەكەن بەڵام دەبینیت،ڕێك نابێتەوە،چونكە بەڕای من سەری نوێ جەستەی نوێی پێویستە، هەروەك دەڵێین كەس شوێنی مام جلال ناگرێتەوە، ئەمە تەواو ڕاستە، چونكە پێكهاتەی یەكێتی ئەوەی بۆمام جلال دەستی داوە بۆكەسێكی دیكە دەست نادات.

لەبەرئەوەی كاریگەری كارێزمایی مام جلال لەتەواوی جومگەی یەكێتیدا بوونی هەیە،بۆیە پێویستە شوناسی یەكێتی بە فۆڕم وناوەڕۆكێكی دیكەوە بێتەوە ناوكایەی سیاسی بەجۆرێك خۆی بونیات بنێتەوە كە بتوانێك لەئاست گۆڕانكارییەكاندابێت،واتە لەگەڵ واقعی ئەمڕۆ خۆی داڕێژێتەوە بۆ ئامانجی خۆی،واتە بۆهەمان ئامانج،بە میكانیزم وپێكهاتەیەكی ترەوە، هەوڵ بدات،ئەمە بۆ حزبەكانی دیكە دروستە.

پارتی گرفتی قوڵی هەیە، ئەوەی هێشتویەتییەوە،كەسی یەكەمە، كەهەڵگری ئەو شوناسەیە وگرفتەكان لەناوخۆیدا بۆكاتێكی كاتی وون دەكات،هەڵبەت بە حوكمی ئەوەی یەكێتی هەرلەسەرەتاوە،هەڵگری شوناسێكی جیاوازتربووە لەوانی تر،چونكە بۆخۆی جیاوازی بەشیك بووە لە دروست بوونی،ئەگەر سەیرێكی یەكگرتوو بكەین دەبینین دوای ئەوەی كەسی یەكەمی گۆڕی وكەسێكی دیكە شوێنگرەوەی بوو ئەمە هەنگاوێكی باش بوو بەڵام لەبەرئەوەی لەجەوهەردا گۆڕانكاری ڕووی نەدابوو، هەمان جەستە هەمان ڕۆحی پێشوو،دەرئەنجام گەڕانەوە بۆخاڵی سەرەتا ئەمەش بۆ ماوەیەك بوو ئەوە بوو نەی توانی و گەڕایەوە،بۆ كەسی یەكەم سەرەتای درووست بوونی،بۆیە هیچ هێزیك ناتوانێت بەپێی پێویست بێت.

ئەگەر فۆڕم ومیكانیزمی نوێ بۆدۆخی نوێ لە ناوخۆیدا دروست نەكاتەوە،هەڵبەت زووە قسە لەسەر گۆڕان بكەین،چونكە واقعی دروست بوونی گۆڕان جیاوازبووە،بەڵام دەرهاویشتەكان بەرەو ئەوەدەچن ،بەهەمان شێوە،گیرۆدەی غیابی كەسی یەك بێت، پێم وایە گۆڕان ئەزموونێكی سیاسی تازەبوو بەڵام بەجۆریك لەجۆرەكان بەهەمان فۆڕم ، هەمان ئەو گرفتانەی هێزەكانی دیكەی هەبووە، بەشێوازی خۆی، مەرج نییە دوای غیابی كەسی یەكەم حیزبەكان بمێننو بەردەوام بن.

خاڵی سەرەكی ئەوەیە،چۆن وبەچ قورسایی وسیاسەتەوە دەمێننەوەو بەردەوام دەبن؟ ئەگەر سەیری هێزەكانی دیكە بكەین دەبینین هەن،بەڵام قورسایی وهێزی مەعنەویان چەندە؟ یان كاریگەریان لەسەر ڕوداوەكان چۆن وچەندە؟ بۆیە پێویستە لەڕەگەوە،ئەم هێزانە خۆیان بەیان بكەنەوە،بەجۆرێك پیرۆزییەكان عبوركات مێژوو عبوركات بۆ خولقاندنی مێژوو حەدەسی نوێ،بۆئەوەی بتوانێت بەكاریگەرییەوە بەردەوام بێت، نەك لەسەر ڕابردوی خۆی ببێتەوە بەمشەخۆر،كەدواجار خۆی خۆی دەخواتەوەو خۆی تەواو دەكات بەردەوامی و ساڵی تەمەن بۆ خەباتی مەدەنی وكاروچالاكی سیاسی گرنگ نییە هێندەی بەرنامەو نوێ بوونەوەو پڕۆژەی واقعی گرنگە، پێویستە حیزب لەئامانجەوە ببێتەوە وەسیلە بۆیە پێموایە كۆمەڵگەی كوردی داواو خواستی دیكەی هەیە هەربۆیە خواست و واقعی كۆمەڵگە گۆڕا پێویستە حزبیش بگۆڕێت،بەڵام تائەمڕۆ ئەمە حیزبانە بەردەوامن لەسەر فۆڕم وجەوهەری ڕابردویان.

ئەم وتارە دەربڕی رای نوسەر خۆیەتی و خەندان لێی بەرپرسیار نییە

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP