هەواڵی ئەمڕۆ

مەلا و ژن!

هێمن غازی - 28-01-2020 - 2523 جار خوێندراوەتەوە

مەلا هەڵۆ و مەزهەر و گروپە ژنەكان هەردووكیان خزمەت بەیەك ئەكەن هەردوولایان هاوبەشی زۆریان هەیە، چونكە دەیانەوێ ببنە پاڵەوانی سەرشاشەكان و میدیا بەگشتی بۆ ئەوەی زیاتر بەناوبانگ تر بن، هەڵۆ و مەزهەر و ژنەكان هێندە یەك ئەشكێنن كە توانای ئەوەیان نییە رووبەڕووی یەك بوەستنەوە و بەگفتوگۆ چارەی كێشەكان بكەن، چونكە لەئەزەلەوە نایانەوێ لەیەك بگەن و بەئەرگۆمێنت كێشە قوڵەكەیان چارەسەربكەن، مەزهەر بە ئایەتی قورئان لەبەردەم قازییەكان ئەوەی سەلماندووە كە خودا لەگەڵ فرەژنییە و ئایینی ئیسلامیش لە شەرعی خۆیدا جێگەی كردۆتەوە و رێگەی داوە كە پیاو تا چوار ژنی هەبێت، ژنەكان هەردەیانەوێ نەمێنێت و پیاوەكان چوار ژنیان نەبێت.
مەلا مەزهەر بەكەلەپچەوە دەركەوت و وەك كارەكتەرەكانی ناو فیلمەكانی هۆلیود كەلەپچەكرا و وەك سەید قوتب خۆی هاتە بەرچاو وەختێك لەناو دادگا لەقەفەسدا دەركەوت. لەدەرەوەی دادگا تەكبیر بوو بۆ ئازاد كردنی 
 ئەو هەرئەوەی ئەویست كە وەختێك یەتە دەرەوە ببێتە پاڵەوان،ژنەكان ئەوەیان بۆكرد.
مەلا هەڵۆش كە پێشتر پۆزشی بۆ ماریا خان هێنابووە، بەهەمان ریتم ئەدمینەكەی تاوان باركرد و بێئاگایی خۆی لەپۆستەكەی دەربڕی، بۆ ئەوان ئەوە گرنگە كە وەك پاڵەوان دەركەون و وەك پێشەنگی ئەو كەسانە دەركەون كە ئەوانیان خۆش ئەوێت لەدەوریانن.
 ژنەكانیش بەهەمان شێوە خاوەن ئەو گوتارەن ئەوان كە فێمنیزمی راستەقینەنین هەندێكیان یاساو شەریعەتەكەیان بەجێهێناوە و ئێستاش رەخنەبارانی ئەكەن.

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP