تۆ کێیت؟

شۆڕش خالید ئاژگەیی - 18-01-2020 - 2308 جار خوێندراوەتەوە

خەندان-

کێشەی من ئەوە نیە تۆ کێیت، کوڕی کێیت، پێشینەی کۆمەڵایەتی و باری ژیان و رابردووی سیاست چیە...ھەرچیەکیت کێشە نیە، بەڵام مرۆڤ بە...دوو روو مەبە...دەست ھەڵگرە لە ریاکاریەوە...نان و ئاو بە نرخی رۆژ و دۆخەوە مەخۆ...واز لە دەست ماچ کردن و خۆ بچووکتر کردنەوە بێنە...لەمە زیاتر ڕۆمەچۆ نێو زەلکاوی بەرژەوەندیەکانتەوە.
زۆر جار  " نەمبیستووەکان"  ، " نەمزانیوەکان " ، " نەمبینیوەکان"، " ئاگاداری نیم", دەبنە مایەی بەختەوەری و ئاسودەیی

زۆر جار  " نەمبیستووەکان"  ، " نەمزانیوەکان " ، " نەمبینیوەکان"، " ئاگاداری نیم", دەبنە مایەی بەختەوەری و ئاسودەیی و دوور کەوتنی مرۆڤ لە سەرئیشەوە، لە کێشەوە، لە ئێشەوە...

سەربڵند کەو حەقیقەتە سادەکان بە چاوی سەر ببینە...دۆخێکە بۆ روون کردنەوەی شاراوەکان، تۆمارەکان، ژمارەکان، بۆ دەست نیشان کردنی بێمارەکان، خواری و خێچی و لارولاسارەکان، کەلێنەکان، دیوارو تەلبەندو چینە ھەڵچنراوەکان، سیم کراوو لەحیم کراوەکان،  کێڵگەو تەپۆڵکە تەلبەند کراوەکان، کۆشک و بینایە و تەلارەکان، دینارودۆلارەکان، ژیانی کۆلەمەرگی ھەژارو دەست کورت و نەدارەکان، جیاکاریە بە ئەنقەستەکان، پێویستیت بە ھیچ مێتۆد و مۆدێلێکی شرۆڤەکاری زانستی ئامارو شەن و کەو کردن و شێواندن و وردبینی کردن نیە.
گەورەترین دوژمن و نەیاری شاراوەی مرۆڤ نەفامیە

بۆ نازانی گەورەترین دوژمن و نەیاری شاراوەی مرۆڤ نەفامیە، خۆ گێل کردنە...خۆ نەفامکردن و کەم ئاگایی و بێ ئاگاییە...بۆیە من باش دەزانم چیت لە خەیاڵدایە، چاک دەزانم خەیاڵدانت دووگیانی کام ئەندێشەیە...تۆ پێم دەڵێی گەر دەتھەوێ لە خۆشی و کامەرانیدابژی،  گەر دەتەوێ بێ لانەو سەرپەناو ھاورێ و ھاوبیر نەبی، تێمەگە...خۆت مەبە...خۆت لە گێلی و نەفامی  و دەبەنگی بدە.

ئەمرۆ نەفامی و ھەژارکەوتنی فکر و کاڵبوونەوەی ھزرو ئەندێشە، داشۆران لە ھەرچی ئایدیاو بیرۆکەی جوانە، لە برسێتی بۆ پاروویەک نان ،کارەساتبارترو جەرگبرترو بە پەژارەترە...تۆ دەتەوێ بیسەلمێنی پێش مەرجی بەختەوەری نەفامیە...بە ڵام تۆ خۆشت  دەزانی وانیە...ئاخر قەت وانەبووە...ئەو دۆخەش تێدەپەڕێ.

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP