چیرۆکی فیل و گوێدرێژ!

کاروخ خۆشناو - 17-01-2020 - 2851 جار خوێندراوەتەوە


پارتی دیموکراتی ئەمریکا لە ڕێکەوتی (۱۸۲۸/۱/۸) دامەزرا، لە ساڵی (۱۸۳۳) ئۆپۆزۆسیۆن بەگاڵتەجاڕیەوە سەرۆک (ئەندرۆ جاکسن)ی دیموکراتیان بە گوێدرێژ ناوزەد کرد، لەو ساڵەدا وێنەکێش و کاریکاتێرست (تۆماس ناست) وێنەی سەرۆکی ئەمریکای لەسەر جەستەی گوێدرێژێک کێشا، سەرۆک (جاکسن) لە جیاتی ئەوەی توڕە بێت، سودی لە وێنەی گوێدرێژەکە بینی و لە هەڵمەتی هەڵبژاردنەکاندا وەک ڕەمزی دیموکراتەکان بەکاریهێنا، لەوکاتەوە (وێنەی گوێدرێژ و ڕەنگی شین) بوونەتە دروشمی دیموکراتەکان.

بەڵام پارتی کۆماری لە ڕێکەوتی (۱۸٥٤/۳/۲۰) دامەزرا، هەمان وێنەکێش (تۆماس ناست) لە ساڵی (۱۸۷٤) لە کاریکاتێرێکدا وێنەی فیلی وەک ڕەمز بۆ کۆماریەکان بەکارهێنا، لەوکاتەوە (وێنەی فیل و ڕەنگی سور) بوونەتە دروشمی کۆماریەکان.

لە ئێستادا کێبڕکێ و ململانێی (فیل و گوێدرێژ) گەرمە، چونکە لە مانگی (۱۱)ی ئەمساڵدا هەڵبژاردنی سەرۆکایەتی ئەمریکا بەڕێوە دەچێت، هەردوو لایەن (دیموکراتەکان و کۆماریەکان) هەموو هەوڵێکی یاسایی و دەستوری دەخەنە گەڕ بۆ دژایەتیکردنی یەکتر و بردنەوەی هەڵبژاردنەکان، بۆیە (گوێدرێژە دیموکراتەکان) لە هەوڵدان تەقڵە بە (فیلە تڕەمپ) لێبدەن، لەو چوارچێوەیەدا سێ شەممەی داهاتوو (۲۰۲۰/۱/۲۱) لە ئەنجومەنی پیران دادگایی (فیلە تڕەمپ) دەکەن، بەڵام بێ سوودە، چونکە دیموکراتەکان کەرکەدەن نین (زۆرینە نین لە ئەنجومەنی پیران) تاکو بتوانن تەقڵە بە (فیلە تڕەمپ) لێبدەن!!!

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP