بەپەلە

کۆنگرە دەبەستین، بەڵام بۆ؟

کاوسێن بابەکر - 7-12-2019 - 2605 جار خوێندراوەتەوە

دوای جەخت کردنەوەو پێداگریەکی زۆری ئەندام وکادیرانی یەکێتی،بڕیاری بەستنی کۆنگرە دراو ٢١ی کانونی یەکەمیش دیاریکرا.کەم حزب هەیە پڕ نەبێ لەململانێ وبگرەوبەردەی سیاسی،ئەگەر حزبێک لەوململێیانە خاڵی بێ ئەوا لەفکروسیاسەتیش خاڵیەولەسیفەتەکانی حزبی بونیش کاڵبۆتەوە، بەڵام هیچ حزبێک بەقەد یەکێتی بەململانێ وناتەبایی سیاسی وفکری ناناسریتەوە،ئەوەش تازە نیەوهەرلەسەرەتای دروستبونیەوە هەڵگری چەندین دونیابینی سیاسی جیاواز بوە،ڕاستە هێندیکجار ململانێکان زۆر خەستبوونەوتەوەولەسەر کۆبونەوە حزبیەکانەوە ڕژاوە بۆ سەر روپەڕی ڕۆژنامەکان وسەروسەکوتی لەتی ڤیەکانیشەوە دەرچووە!.

هێشتاش ئەوانە نەبوونەتە کێشە بەڵکو شتە نەخوازراوەکە ئەوەیە هێندێکجارسواغدراون بە بەرژەوەندی تایبەت وپلەوپۆستەوە،ئەوەش یەکیتیەکانی ئازارداوە،هەر ئەو بەرژەوەندیخوازی وپلەوپۆستەش بەردی خڕبووە بۆدیواری ئایندەیی یەکێتی.

بەڵام یەکێتی کەهەڵقوڵاوی کوردەواری ولەئەنجامی زەرورەتی سیاسی لەدایکبوەو هێشتا زۆر ئەرکی نیشتمانی لەپێشماون،کۆمەڵگای ئێمە پێویستیەکی زۆری بەیەکێتیە بۆ لاسەنگنەبونی پڕۆسەی سیاسی وحوکمڕانی،بۆ پاراستنی دێموکراسی وئازادی،بۆیە لاوازی وکەندوکۆسپەکان دەبێ تێپەڕێنێ وکۆنگرە بکاتە وێستگەیەک بۆ بەخۆداچونەوە وڕیفۆڕمێکی ئازایانە.

ئێستاپرسیارەکە ئەمەیە،کۆنگرەبۆ؟
ئەگەر کۆنگرە:
*-دامودەزگاکانی یەکێتی بەسیستەم نەکات. 
*-بەرنامەیەکی نوێ کەلەئاست هەلومەرج وگۆڕانکاریەکانی ناوچەکەو جیهان بێ پەسەند نەکات.

*-فکروفەلسەفەی سۆشیالدێموکرات نەکاتە ڕێنوێنی دونیابین وئایندەخوازی وپرەسیپەکانی نەچەسپێنێ.

*-کۆنگرەیەکی دێموکرات وشەفاف وکراوە نەبێ.
*-سەرکردایەتیەکی نوێ بەوپەڕی شەفافی وئازاد هەڵنەبژێرێ کەدەرفەتی یەکسان بۆ هەموان ڕەخسابێ.

*-دێموکراسیەت و ئازادیەکەسیەکان قوڵتر وفراوانتر نەکات.

ئەوا وەڵامی ئەو پرسیارەمان وەرناگرینەوە،بەڵام دڵنیام حزبێک بەوهەمووزام وخوێن وفرمێسکەوە بەوهەموو سەروەریانەوە،بەوهەمووکادیروئەندامە هۆشیارانەوە ئەم کۆنگرەیە دەکاتە هەنگاوی هەستانەوەو گوڕگرتنەوە بۆ سەنگەری پێشەوەی ڕزگاری نێشتمانی وەک هەمیشە.

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP