بەپەلە

ئیسرائیل لە بیرەوەرییەکانى فازل میرانی دا

فارس نەوڕۆڵی - 19-11-2019 - 6919 جار خوێندراوەتەوە

گێڕانەوەى مێژوو یان بیرەوەرى، ڕۆڵێکى گرنگى لە کەلتورى گەلاندا هەیە، ئەگەر سەیرى مێژووى سیاسی گەلان و میللەتان بکەین یان بە نوسین یان نیگار و هەڵکۆڵین کۆبونەوەو ڕووداوەکانیان ماوەتەوە، وەچە لە دواى وەچە سودى لێ وەردەگرن، یەکێک لە خاڵەلاوازەکانى کەلتورى ئێمە ئەوەیە کەلتورێکى زارەکییە ئەگەر سەیرى مێژووى کورد بکەین، مێژووى میرنشینەکان یان خێڵەکان دواتریش لاپەڕەیەک نوسینمان نییە یاخود خاوەنى وێنەیەک نین کە بۆ ڕووداوێکى سیاسسی کێشرابێت و خۆمان خاوەنى بین، بۆیەمێژووى کورد هەندێ جار چەواشە دەکرێ، چونکە خۆمان نەمان نووسیوە، یان ڕووداوەکانى گێڕدراوەتەوە، بۆیە هەرکاتێ باسى سەرکردەیەکى مێژوویی یان دەسەڵاتێکى کوردى دەکەین، هێندەى سەرسامین بە دەمانچەى لاقەدى و جبەخانەى، هێندە پرسیار لە فکرو بیرکردنەوەیان ناکەین، چونکە نوسینمان نییە، یان گێڕانەوەى جدیمان نییە.
لێرە لە باشور دواى ڕاپەڕینى 1991 بەشێکى کەم لە بەشداربووانى شۆڕش بیرەوەرى  سیاسى خۆیان نوسیوەتەوە تا ئەو کاتەى کاتم هەبووبێت زۆربەیانم خوێندۆتەوە 

 

لێرە لە باشور دواى ڕاپەڕینى 1991 بەشێکى کەم لە بەشداربووانى شۆڕش بیرەوەرى  سیاسى خۆیان نوسیوەتەوە تا ئەو کاتەى کاتم هەبووبێت زۆربەیانم خوێندۆتەوە، بەڵام لێرەدا بە هیچ بارێکدا قسەیان لەسەر ناکەم تەنها مەبەستمە قسە لەسەر بیرەوەریەکانى (میرانى) بکەم، بۆ ئەوەى مانا شاراوەکانى ئەودیو ڕووکەش تێبگەین لەم ڕاڤە کردنە هیچ کارم بەوە نییە میرانى دەستخۆشیم بکات و پێى بزانێ یان نەزانێ و بەڕێزیشیان پێویستى بەم شتانە نییە. بەڵام مەبەستم لە گرنگى ئەم بیرەوەرییە تێبگەین، لە چوار چێوەى فکرى سیاسى و تێگەیشتن لەمێژووى سیاسى.
(میرانى) لە گفتوگۆیەکى پێنج ئەڵقەى دا لە کەناڵێکى عەرەبى گفتوگۆى لەگەڵ ئەنجام داوە ،کە دواتر لە چوار چێوەى  کتێب بە نوسین و بە وێنە بە ناوى (الژاکرە سیاسیە) گەیشتە دەست خوێنەران

 

سەڕەڕاى تێبینیم لەسەر سیاسیەکانى کورد، لە هەمان کاتدا ئەم بیرەوەییانەى میرانى جوانترین ئاستى زمان و فکرى هەیە ،کەلەم چەند ڕۆژەدا لە کتێبێکى (152) لاپەڕەییدا کەوتە کتێبخانەى کوردى گێڕانەوەى بیرەوەرییەکانى (میرانى) لە گفتوگۆیەکى پێنج ئەڵقەى دا لە کەناڵێکى عەرەبى گفتوگۆى لەگەڵ ئەنجام داوە ،کە دواتر لە چوار چێوەى  کتێب بە نوسین و بە وێنە بە ناوى (الژاکرە سیاسیە) گەیشتە دەست خوێنەران، گێڕانەوەى بیرەوەرى سیاسى  بۆ گەلى کورد گرنگییەکى زۆرى بۆ ئێستاو داهاتوو هەیە.
 (میرانى) زۆر بە دیقەت و بە تەرکیز و دوور لە کاریگەرى ئایدۆلۆجیاو بە زمانێکى باڵا  بە تەوازوعى مەعریفى مێژووى سیاسى کوردى  لە پوخترین و کورترین وەڵامى پرسیارەکاندا دەخاتەڕوو

 

بۆیە (میرانى) زۆر بە دیقەت و بە تەرکیز و دوور لە کاریگەرى ئایدۆلۆجیاو بە زمانێکى باڵا  بە تەوازوعى مەعریفى مێژووى سیاسى کوردى  لە پوخترین و کورترین وەڵامى پرسیارەکاندا دەخاتە ڕوو، کەوەڵامى یاروو نەیارە بۆمەسەلەى کورد ،ئەم تەوازوعە مەعریفیەش لەدەوڵەمەندى کایەکەوە هاتووە، (میرانى) لەم دیداروو گێڕانەوەیە بە خوێنەرانى جیهانى عەرەبى و ڕۆشنبیران و سیاسیەکانیان دەڵێ هەرکاتێ ویستان لە کێشەیەکى گرنگ بکۆڵنەوە بگەڕێنەوە سەر بنەچە مێژوویەکەی، تا بتوانن ئاکامێکى زانستیانە وخەمڵیو ڕاست بە دەست بهێنن،کەواتە بیرەوەرییە سیاسیەکانى (میرانى) دەکرێ ببیێتە پاسپۆڕێکى ئەکادیمى و مێژوویى کە دنیاى عەرەبى لێیەوە لە کوردو داخوازییەکانى تێبگەن،بە خوێنەرانى کوردو نەوەکانى داهاتووش دەڵێ ئەگەر دوێنێ بێگانە سەرچاوەى زانیارى مێژووى ئێمە بوو،ئەوا ئەمڕۆ خۆمان لە بیرەوەرییە سیاسیەکانمان دەبینە سەرچاوەى زانینى گەلەکەمان.
(میرانى) لە بیرەوەرییە سیاسیەکەى دا سەبارەت بە کێشە ناوخۆییەکانى کوردستان  بە زمانێکى بەرپرسانەو پڕ حیکمەت وەڵامەکان دەداتەوە 

 

(میرانى) لە بیرەوەرییە سیاسیەکەى دا سەبارەت بە کێشە ناوخۆییەکانى کوردستان  بە زمانێکى بەرپرسانەو پڕ حیکمەت وەڵامەکان دەداتەوە ،ئەگەر بۆخۆى  وەک پارتى نەناسانایە و بێگانەیەک  ئەم بیرەوەرییانەى بخوێندایەتەوە دەیزانى (مییرانى)  خاوەنى دیدێکى میانڕەو ناسیۆنالیسى کوردە، بەڵام نەیدەزانى ئینتیماى بۆ کام حزبى سیاسى هەیە ،چونکە گفتوگۆکەى تەجاوزى بیرى تەسکى حزبى ئەم فەزاى ئێستاى کردووە، بیرکردنەوەى (میرانى) بۆگێڕانەوەى بیرەوەرییەکانى بریتییە لە کۆکردنەوەى هەموو ڕووداوە جیاوازەکان و خاڵە جیاوازەکان و وێنا جیاوازەکان بۆ دروستکردنى وێنەیەکى ڕاستى ڕووداوە سیاسى و مێژووییەکانى بزوتنەوەى سیاسى کوردو ئامانجەکانى، بۆ ئەوەى وێنەى شێواوى کورد لە چاوو، بیرکردنەوەى ئەوانى تردا ڕاست کاتەوە.
ئەم گێڕانەوەیە و ئەم بیرەوەرییانە دەبنە بە شێک لە سامانى سیاسى کورد دەبێتە سەرچاوەیەکى گرنگى توێژینەوە بۆ ئەوانەى بە دواى مێژووى سیاسى کوردا دەگەڕێن

 

بۆیە ئەم گێڕانەوەیە و ئەم بیرەوەرییانە دەبنە بە شێک لە سامانى سیاسى کورد دەبێتە سەرچاوەیەکى گرنگى توێژینەوە بۆ ئەوانەى بە دواى مێژووى سیاسى کوردا دەگەڕێن، چى کوردو چى نەتەوەکانى تر. بیرەوەرییەکانى میرانى جگە لە نووسین کۆمەڵێک وێنەى تێدایە وەک دەڵێت (لە پشتى هەموو وێنەیەکەوە چیرۆکێک هەیە) بۆیە دەکرێ خوێنەر لە چیرۆکى پشت وێنەکانیش تێبگات، کەواتە گێڕانەوەى بیرەوەرى سیاسیەکانى کورد زۆر گرنگە بەڵام  بە شێوەیەک  وەک ئەوەى ڕووى داوە نەک وەک ئەوەى کە حەزمان لێیە بینوسنەوە ، ئەگینا دەچێتە خانەى چەواشە کارى.

لەلایەکى دیکەوە نوسینەوەى بیرەوەرى و گێڕانەوەى جگە لەوە بۆ نەوەکانى داهاتوو زۆر پێویستە بۆ توێژینەوە بۆ دروستکردنى دراما لەسەر مێژووى سیاسى کورد، دەبێتە شکۆ و شەفاعەتکارێک لە بەردەم نەتەوەکەماندا، ئەم بیرەوەرییانەى میرانى بیرەوەرى کەسێکە دەکرێ پێى بڵێین سیاسى ڕۆشنبیرى و ڕۆشنبیرى سیاسى.

ئەوەى جێى سەرنجە لەگفتوگۆکەدا ڕۆژنامە نووسەکە لەزۆر جێگەدا میرانى دەباتەوە بۆ پرسیارێکى کلاسیکى عەرەبى، ئەویش ئەوەیە هەموو ڕۆژنامەنووسێکى عەرەب لەگفتوگۆکانیاندا لەگەڵ سیاسیەکانى کورددا دەیکەن، هەمیشە یەکێک لەپرسیارەکانیان ئەوەیە پەیوەندى کورد و ئیسرائیلە، ئەم پرسیارەش پرسیارى تەحەدى نییە بەڵکو پرسیارى ئیستیفزازییە، ئیتر نازانم پرسیارى ئەم ڕۆژنامە نووسە بۆ ئیستیفزازە یان تەحەدى، چونکە جیاوازى لەنێوان تەحەدى و ئیستیفزازیدا زۆرە، بەڵام میرانى بە ئەرگۆمێنت وەڵامى جددى ئەم پرسیارەى داوەتەوە. 
دەکرێ بڵێین ئەو بیرەوەرییەى (میرانى) دەمانباتە لاى واقع جیاواز لە هەندێ بیرەوەرى کە دەرخواردمان دەدرێ، چونکە پێمان دەڵێ و پێیان دەڵێ کێشەى ئێمە کێشەى بونە، کێشەى حەرام و حەڵاڵى سیاسی یە لە دیدى ئەوان

 

کەواتە دەکرێ بڵێین ئەو بیرەوەرییەى (میرانى) دەمانباتە لاى واقع جیاواز لە هەندێ بیرەوەرى کە دەرخواردمان دەدرێ، چونکە پێمان دەڵێ و پێیان دەڵێ کێشەى ئێمە کێشەى بونە، کێشەى حەرام و حەڵاڵى سیاسی یە لە دیدى ئەوان، بەوان دەڵێ ئێوە لە دۆخى لێک دژى دا دەژین و داواى ئەوەیان لێدەکا تەسەورەکانى پێش و لە خۆیان داماڵن، چونکە ئەو بیرکردنەوە تان لە ڕووى سیاسى و کەلتورى یەوە هەژارە، لەبەرئەوەى بێ بنەمایە.

لێرەوە بە هەردوو ئاڕاستەى تێگەیشتنى زمان و تێگەیشتنى بیرکردنەوە بە ئەوانى دیکە دەڵێ پێویستە پیاچوونەوەیەک بە تێگەیشتنتان بکەن لەو تێگەیشتنەى بۆ کورد هەتانە، دەبێ بۆ ئەوەى ژیان بە دروستى بڕوات پێویستە ڕێکەوتنى نوێ بۆ پێکەوە ژیان بکەین، بۆ ئەوەى دواجار دەکرێ ئەم بیرەوەرییانەى میرانى کاریگەرییەکى ئەرێنى لەسەر فکرى سیاسى و زەمینە خۆشکەر بێت، بۆ خوێندنەوەیەکى نوێ بۆ مێژووى سیاسى ناو هێزى کوردى و هێزى ئەوانى دیکەش.

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP