کاتێک بەرد وەگۆ هات!

هاوڕێ توانا مێرگەسەری - 9-11-2019 - 1585 جار خوێندراوەتەوە


زیادە ڕۆیی نیە گەر بڵێین ئەوە ڕەوتی تێکۆشانی ڕۆژئاڤا بوو کە تنکەماسکی ئەو بەربەریەت و ئیجزدیواجیەتی  درۆزانانی دەوڵەتانی دیمۆکراتی لاف لێدەرانی مافەکانی مرۆڤی  هەڵدایەوە.

ئەوە ڕۆژئاڤا بوو کە تەلیسمی ئەو وەهمانەی  بەتاڵ کردەوە کە گوایە  ئیمپڕیالیزمی هاوچەرخ پێچەوانەی ئیمپڕیالیزمی  کلاسیک هەڵگری کۆمەڵێک بەهاو پرەنسیپە کە لەسەدەکانی  پێش باس نەبوو،دەرکەوت ستەمی ستەمکاران وپۆلیسەکەی ئیمپڕیالیزمی هاوچەرخ کە نەوەی تەتارن و ئێستا لەناتۆدان !.

هەر بە دەستوری تەتار. گەلانی ئازاد یخواز تاراو ماردەکەن و لەبری تیرو ڕم شمشێری باپیرانیان ئێستا بە بۆمبی فسفۆڕو  فڕۆکەی بێ فڕۆکەوان وئابرامزی سەردەم ئامرازیانە و بەڵام ئامانج هەر یەک ئامانج و ئەویش جەنگ و وێرانکردن و زاڵ بوون بەڵێ هێشتا لەدیدو دنیا بینی نەوەکانی تەتارو مەنگۆل قوڕگی نەتەوەو میلەتانی تر بۆ قوڕقۆشمە !  ئیدی له نۆستا لیژیایی ئەوان ئەوە کە ئەوان هەر حاکم  وئێمەش مەحکوم.
 
گەلۆ سەیرە سەیرکەن   نە دەنگی هیومان ڕایتس ۆوچ و نە دەنگە دەنگی ئەمنستی ئەنتەر ناسیۆنال نە نوزەی فرانسس لیبەرتی ناتوانێت نەڕەی سوڵتان ڕاگرن نە  هاوارو  و ئازاری جەستەی کوڵاوی محمد و نە نزاو توکی دایکانی شەهید بای ئەوە نین کە  ویژدانی مردووی   سەرانی جیهان بجوڵێنێت!.

بەڵی سەیرتر لە سەیر ئەوە موفتی و داعیەکانی دنیایی دین کە  تەنانەت بۆ  داشکانی لیرەی تورکی دەگریان  و نزایان بۆ هەڵکشانی کاڵای تورکی دەکرد!  بەڵام ئەو هەموو ستەمەیی ستەمکارانی ڕەفتار تەتار وێرانەی جەیشی فەتح و فەهودە کەی  سوڵتان نە ئەمری خودای و نە  ویژدانی ئینسانی نایان جوڵێنێت ؟ئیدی ئەمڕۆ لە ڕۆژئاڤا  بەرد وەگۆ هات بەڵێ بەردقسەیکرد، ئیدی دەرکەوت بەرد چەندە نەرمترە لە وێژدانی ئەوانەی کەوا  دەمێکە ویژدانیان ئەسپاردەی گیرفان کردووە بەڵێ ئەمڕۆ لە ڕۆژئاڤا بەرد وەگۆ هات.

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP