بەپەلە

با بڕیارەکەی کاک کۆسرەت بۆ نوێبونەوەبێت

کاوسین بابەکر - 24-08-2019 - 3872 جار خوێندراوەتەوە

ئەگەر ئەم بڕیارە دوور لەباڵباڵێن وگروپ گروپێنە وبەڕەچاوکردنی تواناو ئەزموون وپڕۆفیشناڵی جێبەجێبکرێ، ئەوا ئەو ئامانجەش دەپێکێ کە هەموان هەوڵی بۆدەدەن

 

بڕیارەکەی کاک کۆسرەت دەربارەی پڕکردنەوەی پۆستە تایبەتیەکان لەهەرێم وحکومەتی ناوەندی وئاڵوگۆڕی ئەوانەش کە زیاتر لە چوار ساڵە لەکارەکانیاندان، بەپاڵپشتی بڕیارێکی پێشتری مەکەتەبی سیاسی، بڕیارێکی باشەو دەمێکە یەکێتیەکان چاوەڕوانی دەکەن، ئەگەر ئەم بڕیارە دوور لەباڵباڵێن وگروپ گروپێنە وبەڕەچاوکردنی تواناو ئەزموون وپڕۆفیشناڵی جێبەجێبکرێ، ئەوا ئەو ئامانجەش دەپێکێ کە هەموان هەوڵی بۆدەدەن کەنوێکردنەوەی یەکێتیە،چۆن کۆنگرە بۆ نوێکردنەوەی یەکێتی لەبەرنامەو پەیڕەوی ناوخۆ وسەرکردایەتی گرنگە ئاواش نوێکردنەوەی نوێنەرایەتیەکانی یەکێتی لەدام ودەزگاکانی حکومەتدا گرنگەو، هەم کۆمەڵیک کادیری تر بەخوێنی تازەوە دەخاتە نێو ئەزمونی کارەوە هەم ئەوانەشی لادەبرێن بەئەزمونێکی دەوڵەمەند ترەوە لەشوێنی ترو پۆستی تردا دەکەونەوەگەر.

ئەم نوێکردنەوەو ئاڵ وگۆڕە کاتێ سەرکەوتودەبێ کە لەمەودوا چاودێری کارەکانیان بکرێ ولەمەکتەب سیاسی نوسینگەیەکی تایبەت بکرێتەوە بۆ بەدواداچونی کارەکانیان وهاوکاری وپشتیوانی وڕێنوێنیان.

ئەوانەی بۆ ئەم پۆستانە دادەنرێن پێموایە پێش هەر شتێک دەبێ ئەوکادیرانەبن کە دڵسۆزی یەکێتی بوون وقوربانیان بۆ باوەڕو ڕێبازەکەیان داوەو بەڕاستی خەڵکی بەبیروباوەرو حزبین وسکیان بە حزبەکەیان دەسوتێ

 

ئەوانەی بۆ ئەم پۆستانە دادەنرێن پێموایە پێش هەر شتێک دەبێ ئەوکادیرانەبن کە دڵسۆزی یەکێتی بوون وقوربانیان بۆ باوەڕو ڕێبازەکەیان داوەو بەڕاستی خەڵکی بەبیروباوەرو حزبین وسکیان بە حزبەکەیان دەسوتێ نەک کەسانێک هیچ ئاگایان لەئازارو قوربانیەکانی حزبەکەیان نییەوزیاتر سەرقاڵی ئامانجەتایبەتیەکانی خۆیانن!بایەکێک لەمەرجەکانیش قدەغەکردنی کاری بازرگانی و کۆمپانیا و هاوبەشەکانی کۆمپانیاکان بێ لەسەرجەم بەرپرسە حکومیەکان.

هیوادارم ئەمجارە لەدانانی ئەم بەڕێزانەدا تەنها بەرژەوەندی گشتی گەلەکەمان لەبەرچاوبگیرێ و پرەنسیپەکان بەوردی ڕەچاوبکرێن.ئەمجارە کادیرانێک بن وێنەی یەکێتی جوانترکەنەوەوهەموو ئەو بەڵێنانەش بێننە دی کە لەکاتی هەڵبژاردنەکاندا بەخەڵکمانداوە بەخاکیانەودڵسۆزانە خزمەتکردنیان.


ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP