هەواڵی ئەمڕۆ

کورسی سەرۆکایەتی حکومەت کورسی سەرۆکایەتی پارتی بۆ مەسرور بارزانی مسۆگەر دەکات؟

کاوسێن بابەکر - 21-07-2019 - 5648 جار خوێندراوەتەوە

حکومەتێکی بەهێز، نەهێشتنی گەندەڵی،چارەسەری کێشەکانی بەغدا-هەولێر،چاکسازی،حوکمڕانیەکی باش.. ئەودروشمانەن کەسەرۆکی حکومەت بەرزیکردونەوە،هەرچەند باسی گێڕانەوەی موچەخوراوەکانی فەرمانبەران وبەسیستەمکردنی دامودەزگاکانی حکومەتی نەکرد، بەڵام بەگشتی ئەودروشمانە ئەگەر بەکردەوە جێبەجیبکرێن ئەوحکومەتە جیاوازدەبێ وبە پێچەوانەی تانەوتەشەرەکانی هێندێک لەکادیرانی پارتی کە گرنگیدانی پارتی بەکابینەی نۆیەم ڕەخنەدەکەن میلادی حکومەتێکی نوێ دوور نابێ.

ڕەنگە ئەوانەی باش لەگرتنەدەستی مەسرور بارزانی بەستافێک کەبژاردەی خۆیەتی  باش وورد نەبوبنەوە هەر بەحکومەتێک لەریزی حکومەتەکانی تر ئەژماری بکەن بەڵام،ئەم حکومەتە بۆ مەسرور بارزانی جگەلە نمایشی هێزودەرخستنی جیاوازیەکانی لەگەڵ حکومەتەکانی پێشوی ئامۆزاکەی وەک ئەزمون وپراوەیەک بۆ بەدەستهێنانی کورسی دەستەڵاتی پارتی وجێگرەوەی مەسعودبارزانی باوکی شتێکی تر نییە، بەڕاستیش ئەگەر مەسرور بارزانی بتوانێ ئەودروشمانەی بەرزیکردونەوە بەدیبێنێ وموچەخوراوەکانی موچەخۆران بەشێوەیەک لەشێوەکان بگێڕێتەوە،دەتوانێ حکومەتەکەی بەشاهیدی دۆست ودوژمن جیاواز پێشان بداو بەمەش کلیلی دەستەڵاتی سەرۆکایەتی پارتی بەدەستبێنێ وبەیارمەتی باوکی ودەزگای پاراستن وئاسایش کەلەدەستی خۆیدایە لەسەر کورسی دەستەڵاتی گشتی پارتی دابنیشێ وبەمەش گرەو لەئامۆزاکەی دەباتەوە وبێ ئومێدی دەکات لەگرتنەدەستی دەستەڵات لەجێگای مەسعودبارزانی مامی ئەگەر خەیاڵێکی ئاوای لەسەردابێ.

لەگەڵ ئەمانەشدا پێموانیە ڕێگای بەردەم مەسرور بارزانی هەرگوڵ وگوڵزارە بەڵکو بەهەمان ئەندازەش پڕە لەدڕک وداڵ بەڵام،وای بۆدەچم ئاسۆکەی ڕوونتر بێ لەوی دی. 

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP