قازانجی دوڕوەکان

نیاز لاجانی - 14-07-2019 - 4491 جار خوێندراوەتەوە

دووڕو.موتەمەلق،درۆزن و نامەرد مرۆڤگەلی گچکە و گەلێکیش قێزەوەنن!بەلام بە قەدەر ناشیرینیان،بە ئەندازەی زیانیان،قازانج دەگەینن!چۆن؟

مرۆڤی خاوەن ویژدان کە لە شەخسەیەت و رەفتاری ئەو بۆرە زەلامانە دەروانێ،بێزی لەو جۆرە رەفتار و کەسانە دەبێتەوە،ھێندە لێیان بێزار دەبێ،ھەرگیز روو لە جۆرە رەفتارانە ناکا،ھەتا ئەو دەعبا بچوکانە نەبینی،گەورەیی خەلکی راستگۆ،دلسۆز،سادە و رەفتار جوان نابینی!

ئاخر تا درۆزن نەبینی قەدری راستگۆ نازانی..
تا دووروو نەبینی،نازانی مرۆڤی پاک و دلسۆز چەندە جوانە...
ھەتا ماستاوچی و پانکەرەوەی ملحیز نەبینی،نازانی مرۆڤی حەقگۆ،حەقرەفتار، بێگەرد و یەکڕوو چەندە مەزنە.ھەتا گەندەل نەبینین قەدری دەستپاک نازانین.

بەوەی نیە کە سەرکز و ھیچن،بەلام ناشیرینی و بێلزەت و قێزەوەنبوونیان،وامان لێدەکەن کە ھەرگیز کەسمان نەک ھەر توخونی ئەو جۆرە رەفتارە نەفرەت لێکراوە نەکەوین،بگرە لە خەونیش بیری لێینەکەینەوە.

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP