دنیا لەوێ نەبێ یەکێتی لەوێبێت

دەلیل جەمال - 7-06-2019 - 4632 جار خوێندراوەتەوە

بڕیارە ڕۆژی دووشەممە سەرۆکی هەرێمی هەڵبژێردراو سوێندی یاسایی بخوات  ڕێوڕەسمی سوێندخواردنەکە چۆنەو چۆن نییە دیوێکییەتی دیوەکەی دیکە ئامادەگی یەکێتییە چ وەک حزب چ وەک سەرۆککۆماری عێراق لای پارتیش ئامادەگی یەکێتی و د.بەرهەم ساڵح زەرورەت و پڕبەهایە هەربۆیە ئەگەر تەواوی نوێنەری وڵاتان لەوێبن بۆپارتی و بۆ دۆخی هەرێمیش هێندەی بوونی یەکێتی لەوێ گرنگ نییە 

بانگهێشتەکەی پارتی نییەت پاکییە؟

پارتی بەو بانگهێشتنامەیە گرژی و ناکۆکییەکانی تاڕادەیەک خاوکردەوە یەکێتیش بەئیجابی لێی ڕوانی ئەوەی ماوەتەوە هەنگاوەکانی پارتییە بۆ چارەسەری کێشەی کەرکووک و دانانی پارێزگارێکی کوردی یەکێتی دوای بەشداری نەکردنی فراکسیۆنی یەکێتی لەدەنگدانی سەرۆکی هەرێم پارتی و بەتایبەت کاک مسعود قورس لە بڕیارەکەی یەکێتی نەیان ڕوانی و هەرزوو کۆنترۆڵی دۆخی ڕاگەیاندنیان کردوو ئامادەی سازان بوون، یەکێتیش بەرپرسیارانە بەرەو ئاساییکردنەوەی دۆخەکە هەنگاوی نا.

د.بەرهەم ساڵح وەک یەکێتی وەک سەرۆککۆمار

د.بەرهەم ساڵح ڕاستە سەرۆککۆمارەو بەشداریکردنی لەسوێندخواردنەکە وەک سەرۆککۆمار بانگهێشتکراوە، بەڵام دواجار جێگری سکرتێری گشتی یەکێتییەو لەناو هاوکێشەی چارەسەری کێشەکانەو مەبەستیەتی یەکێتی وپارتی بگەنە ڕێککەوتنی کۆتایی و چارەسەری کێشەی کەرکوک، بەشداری خۆی واتە چارەسەری کێشەی نێوان یەکێتی وپارتی لەبەغداد کە یەکێکە لەپاکێجەکانی یەکێتی لەگەڵ پارتی. بۆیە بەشداری سەرۆککۆمار دواجار بەشداری یەکێتیش دەبێت بەدیوە سیاسییەکەیدا 

بەشداری یەکێتی وەفایەکیشە بۆ کاک نێچیرەوان

هەقەپارتی پێش ڕۆژی سوێندخواردنی سەرۆکی هەرێم دڵنیایی تەواو بەیەکێتی بدات بۆ جێبەجێکردنی ڕێککەوەنەکەیان تایەکێتی بەشداربێت ، ئەمەش لایەنێکی مەعنەوی بەهێزدەبێت بۆکاک نێچیرەوان کە پێشتر دەکرێ بڵێین پارتیش زوڵمی لێکرد و یەکێتیش دەنگی پێنەدا ئێستا بۆڕاستکردنەوەی ئەو دۆخە پارتی دەبێت کاک نێچیرەوان نەخاتەوە دۆخێکی تری ئیحراجی بەتایبەت لەم کاتەدا دەکرێت میوانی بیانی ئامادەبن بێ یەکێتی دۆخی کاک نێچیرەوان  دەخاتە ئێحراجی.....

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP