داعش مەترسی نیە

احمد سید عمر - 24-05-2019 - 1440 جار خوێندراوەتەوە

کۆتایی ھێنانی تیرۆر لە عێراق زۆرجار دووبارە کراوەتەوە وەک ئەو وتەیەی( لیۆت ترۆتسکی )  لەکاتی شۆڕشی بەلشەفیدا سەبارەت بەکوشتنی وەزیرێک لە یەکێک لە بۆنەکاندا باسی کۆتایی ھێنانی تیرۆر کرد بەڕیگای درووستکردنی چەندین وەزیری تر کە جێگای وەزیری تیرۆر کراو بگرێتەوە .

دوای پرۆسەی ئازادی لە عێراق ، بەهۆکاری گەندەڵی ئیداری وسەربازی و جیۆ پۆلیتیکی عێراق بەگشتی وناوەڕاستی سوننە نشین لەکوڵانی بەردەوام و نەبوونی سەقامگیری سیاسی - ئابووری - ئاسایش وئۆقرەیی - ئاشتەوایی کۆمەڵایەتی گوزەر دەکا و زەمینەیەکی لەباردەرەخسێنێ بۆ دەست تێوەردانی ووڵاتانی هەرێمایەتی ونێودەوڵەتی هەموو ئەمانەش رێگە خۆشکەر بوون بۆ ئەوەی عێراق ببێتە ناوەندێک بۆ سەرهەڵدانی  گروپی  تیرۆرستی جۆراو جۆر .

مەترسیە گەورەکە


دوای ساڵی 2005 چەندین گروپ و باندی تیرۆستی دروست بوون، بەڵام سەرجەمیان تێکشاون و لەناوچوون کۆتا گروپیش کە تاوەکو ئێستا هەناسە بدات داعشە ، ئەوەی جێگای تێڕامانە لە ئێستادا  زۆر لە گوندە کوردیەکان بەهۆی نەبوونی ئارامی و ئاسایش و بەردەوامی هەرەشەکانی داعش گوندەکانیان چۆڵکردوە ، لەبەرامبەردا لە تەنیشت ئەم گوندانە گوندنشینی عەرەبەکان ھیچ رووداوێک و دانانەوەی بۆمب و رفاندن و کردەی تیرۆرستی نییە، لەبەرامبەردا وه‌رگرتنی باج و سه‌رانه‌ له‌ هاوڵاتیانی كورد به‌رده‌وامه‌ ، هه‌روه‌ها گونده‌كانی (داقوق) به‌هه‌مان شێوه‌ چه‌كدارانی داعش كۆنترۆلی به‌شێكی گونده‌كانیان كردووه‌ و مه‌ترسیان له‌سه‌ر ژیانی گوندنشینان دروست كردووه‌ ، کەواتە ئەوەی دەکرێت لە گوندە کوردییەکان ئەجێندای نەیاران و دوژمنانی کوردی لە پشتە جا ئه‌مە بیانووه‌ و كارتێکە به‌ گه‌وره‌ترین مه‌ترسی له‌سه‌ر ئاینده‌ و ژێرخانی ناوچه‌ دابرێندراوه‌كان داده‌نرێت. 

لەپاڵ پێدانی پسوڵەی خۆراک‌ (البطاقة الغذائیة) و پسولەی نیشتەجێبوون (بطاقة السکن) بە سەدان عەرەبی هاتوو (عرب النازحین) لە بەشێک لەناوچە کوردستانیەکان شوێنیان پێ دەدرێت. مەترسی ئەم کارە لەوەدایە کە پسولەی خۆراک‌و پسولەی نیشتەجێبوون لە هەڵبژارادنەکان بنەمای سەرەکین بۆ مافی دەنگدان لە هەموو شوێنێک، ئەمەش بە دڵنیاییەوە هاوکێشە سیاسییەکان‌ و کورسییە براوەکان لە هەڵبژاردنی داهاتوو و سەرژمێری بە قازانجی هێزە عەرەبەکانە و بەدژی هێزە کوردییەکان دەگۆڕدرێت. هەر لە بنەڕەتیشدا پڕۆسەی تەعریب، بەکۆن‌و بەنوێیەوە، بۆ ئەم مەبەستە داڕێژراوە!


هەرەشەکانی داعش و جولەکانی سوپای عێراق ، لەبەشێک لەناوچە کوردستانیەکان دەمانگەێنته ئەو راستیە کەوا ئەم جۆرە رەفتارانە درێژە پێدەری هەمان سیاسەتی حکومەتە یەک لەدوای یەکانی عێراق بەئامانجی چۆڵکردن و تەعریب کردنی ناوچە کوردستانیەکان ئەنجامیان دەدا .

بڕیاری وەزارتی پلاناندانی عێراقی 

حکومەتی عێراق بەجۆرێک خۆی لە کێشەی تەعریب و گەرانەوەی عەرەبە شۆڤینیەکان بێ دەنگ کردوە وەک ئەوەی بەکورد و دونیای دەرەوە بڵێت کێشەی پارێزگای کەرکوکە نەوەک مەسەلەی نەتەوەیی! لەکاتێکدا هەموو ئامانجەکان بەئاراستەی لاواز کردنی ڕۆڵی کورد و لێدانە لەڕۆڵی نەتەوەی کوردی، وه‌زاره‌تی پلاندانانی عێراقی بڕیاریان داوه‌ ساڵی 2020 سه‌رژمێری دانیشتوان له‌عێراقدا بكرێت، کە پیلانێکی  سیاسی لەپشت ئەم بریارەوەیە، ئەگەر کورد فریای نێومال و ئەم هەوڵانەی ئێستای دەسەلاتدارانی عەرەب نەکەوێت پەلە نەکات لەوەر گرتنەوەی مافە ئیداری و سەربازیەکانی لەتەواوی ناوچە دابڕێنراوەکان لەو سەرژمێریەی کە بریارە ماوەی داهاتوو ئەنجام بدرێت فۆرمێکی یاسایی دەبەخشێتە عەرەب کەوا زۆرینەی ئەو ناوچانەن، بۆیە ئەرکی ڕەوشتی و مێژووییە لەسەر هەردوو هێزی دەسەڵاتدار کەوا له ئێستا ئەولەویەت بدەن بەم هەڕەشە و مەترسییە گەورەیە کەوا پلان و بەرنامەی بۆ دادەنرێت بەئامانجی ئەوەی ڕۆڵی کورد تیایدا لاواز بێت.


ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP