با یەکێتی و پارتی یەک لیستیان هەبێت لەکەرکوک

دەلیل جەمال - 24-05-2019 - 1843 جار خوێندراوەتەوە

ئەگەر گەرماوگەرمی ڕووداوەکانی ۱٦/ئۆکتۆبەرو دروست بوونی ئەو دۆخەنالەبارو ناجێگیرە و ئاڵۆزی وتەموومژی ڕووداوەکان تابەئەمڕۆ بەشی موزایدەو یەکتر شکان و یەکتر تۆمەتبارکردنی کردبێت ئیتر حەق نییە کەرکووک و کەرکوکییەکان لەوەها دۆخێکدا بهێڵرێنەوە  ئیتر نەکات و نەدۆخەکەش بەشی ئەو عینادییه دەکات (هەڵبەت ئەگەر کەرکووک وکەرکوکییەکان مەبەستبن و لەچوارچێوەی هەست و خیتابی نەتەوەیدا مابێتەوە)

بۆچی ڕولەپارتییە؟
ئەوەی ڕێگرە لەهەڵبژاردنی پارێزگارێک پارتییە چونکە بەچونەوەی ئەندامانی ئەنجومەن و سەرۆکی ئەنجومەنی پارێزگا کورد دەتوانێت دۆخی کەرکووک ئاسایی بکاتەوە و پارتیش ڕزگاری دەبێت لە ئیدیۆمی پارێزگاری سەپێنراو(هەڵبەت ئەم پارێزگارە سەپێنراوە و مانەوەی وابەستەی کۆبوونەوەی ئەنجومەنی پارێزگایە )

کەرکووک دوبژاردەی هێشتۆتەوە.
کورد دەبێت ڕازی بێت بەم دۆخە تاهەڵبژاردنی داهاتووی ئەنجومەنی پارێزگاکان کەئەمە بۆکورد باش نییەو تائەوکاتە زۆرشت دەگۆڕێت (ئەوپارێزگارە سەپێنراوە دۆخی کورد و پێگەی کورد لەق دەکات) پارتی گەر مەبەستی بێت بەئاسانی دەتوانێت پارێزگارە سەپاوەکە لابدرێت تائێستا سیاسەتی پارتی لەقازانجی پارێزگارە سەپاوەکەیە.
بژاردەی دووەم پارتی ویەکێتی لەبەر ڕۆشنایی ڕێککەوتنە سیاسییەکەیان دەتوانن پێش هەڵبژاردن دۆخی کەرکووک ئاسایی بکەنەوەو ئامادەکاری بکەن بۆ بردنەوەی پارێزگای کەرکووک (ئەم دۆخە پێویستی بەیەک لیستی کورد هەیە لەکەرکوک بەتایبەت یەکێتی و پارتی)
دەشکرێت ویسگەی ئاسایی کردنەوەی گرژی نێوان یەکێتی و پارتی لەکەرکووک دروستکردنی لیستێکی هاوبەش بێت بۆهەڵبژاردنی ئەنجومەنی پارێزگاکانی عێراق لەکەرکووک 

هێشتنەوەی کەرکووک بۆ دوای هەڵبژاردن .
ئەگەر کورد بەتایبەت یەکێتی و پارتی دۆخی کەرکوک بەو جۆرەی ئێستا بهێڵنەوە تا هەڵبژاردن ئەوا ئەوکەرکوکە بەوجۆرە نامێنێت تا لەسەری ڕێک بکەون و زۆرشت لەدەست دەدرێت ئۆباڵەکەشی لەئەستۆی پارتییە کەپێویستەپارتی هندێک شت عبوربکات بۆ چارەسەری دۆخی کەرکوک. 
بژاردەی یەک لیستی لەکەرکوک بژاردەیەکی باشە بۆ ڕاستکردنەوەی هەڵەو ئاسایی کردنەوەی دۆخەکە لەنێوان یەکێتی و پارتی ڕێگەیەکیش دەبێت بۆ بەشداری سەربەرزانەی پارتی لەهەڵبژاردنی ئەنجومەنی پارێزگاکان لەکەرکووک.ئەمەش بەدانانی پارێزگارێکی کورد تا هەڵبژاردنی ئایندە.....

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP