بەپەلە

پڕۆژەکەی سەرۆککۆمار و پەرلەمانی کوردستان

دەلیل جەمال - 7-04-2019 - 2230 جار خوێندراوەتەوە

مرۆڤی خزمەتکارو بەرپرس وسەرۆک کەنییەتی خزمەتکردنی هەبوو لەجێگەو پێگەی خۆیەوە دەتوانێت ئەو هەنگاوە بنێت کە لەخزمەت چاکەی گشتیدایە.

د.بەرهەم ساڵح ڕۆژبەڕۆژ قۆناغ بەقۆناغ زیاتر تەبەنی ئەو پڕۆژەو بەرنامەو سیاسەتەدەکات کە بەڵێن و سوێندی بۆخوارد. خەرمان لەسەرخەرمان مەڵۆدەکاو کاری باش و پڕۆژەی باش دەخاتە خزمەت هاوڵاتیانی. خەڵکی عێراق وهەرێم لەخۆوە هیوایان لەسەر سەرۆککۆمارەکەیان هەڵنەچنی بوو. 

پڕۆژەیاسای ژنانی ئازادکراوی ئێزدی

هەموان دەزانین چی لەشەنگال و موسڵ و ناوچەکانی دیکە ڕوویداو چۆن هاوڵاتیانی مەدەنی بوونەقوربانی تیرۆرو چۆن ژانان قوربانی گەورەی ئەو شەڕو تیرۆرەبوون؟
شاناماو گریان و وتارو قسە لەجێگەیەک و بەرنامەو ستراتیژو پلان بۆ خرمەتکردنیان لەڕووی مادی و مەعنەوییەوە لەجێگەیەکە بەشێکی گەورەی ڕووداوەکە چارەسەر دەکات
پڕۆژەکەی د.بەرهەم ساڵح بەدەر لەئەرکی ئەخلاقی ویژدانی خۆی ، هەنگاوێکی پڕبایەخ و دڵسۆزییە بۆ ژنانی ئازادکراوی ئێزدی کە پڕۆژەیەکی گشتگیرە ..

پڕۆژەکەی سەرۆککۆمار بکەنە پڕۆژەی خۆتان.

ئەم پڕۆژەیە بۆخزمەتکردنی ئەوژانانەیە کە هەموان بەقسەو وتار هاوخەم بووین. بۆیە دەکرێت پڕۆژەکە لەناو پەرلەمانی کوردستانیش بکرێتە یاساو پەسەند بکرێت ، وەک ئەرکێکی نیشتمانی لەکابینەی 9 دا بخرێتە بواری جێبەجێکردنەوە.

پڕۆژەکە دەوڵەمەندو گشگیرە بۆیە پەرلەمانی کوردستانیش دەتوانێت سود لەوپڕۆژە ببینێت، هیوادارین پەلەمانی کوردستان وحوکمەتی هەرێم تاڕۆژی ۸/۳ بەدەرلەوتار بەکردار خزمەتی خەڵکی شەنگال بەگشتی و بەتایبەت  ژنانی ئێزدی بکەن.


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP