د.بەرهەم ساڵح باڵانسی هێزوهاوسەنگی، یان ترازان

دەلیل جەمال - 19-03-2019 - 3543 جار خوێندراوەتەوە


زۆرجار بۆگەڕانەوە حەقیقەت وڕاستی پێویستت بەسەرلەنوێ خوێندنەوەی ڕووداوەکانی ڕابردووە لەچوارچێوەی پانۆراما، تابگەیتە وەڵامی ئەو پرسیارەی کە ئایا بەرهەم ساڵح باڵانسی هێزو هاوسەنگی بوو یان ترازان؟.

خۆگەر دورلەچاوی تەسکی حزبی یان مەدحێکی کوێرانە بتەوێت ڕاستی ببینیت حەقە وەک خۆی وێنای وەڵامی پرسیارەکە بکەیت.

بەرهەم ساڵح چی زیاتری کرد؟


زۆرجار میدیا یان پارتی بە مەبەست بۆ لادانی ڕووداوەکان بەرهەم ساڵح دەکاتە تایتڵی ڕوداوەکان گەرچی بۆ پارتی خاڵی لاوازە بەو دیدەوە لایەنگری خۆی چەواشەبکات حەقبوو ڕاستییەکە بخاتەڕو. 
بەرهەم ساڵح جگە لەوەی توانی باڵانسی هێز بگۆڕێت یەکێتی لەهێزێکی تاڕادەیەک پەرتو شێواو کۆبکاتەوە، ئەمەش ئەوەدەگەیەنێت مەرکەزی قەراری هەیە
بۆوەڵامی پرسیارەکە بەرهەم ساڵح هیچی نەکردووە، جگە لەوەی توانی باڵانسی هێز بگۆڕێت توانی یەکێتی لەهێزێکی تاڕادەیەک پەرتو شێواو کۆبکاتەوە، ئەمەش ئەوەدەگەیەنێت مەرکەزی قەراری هەیە، کۆدەنگی هەیە دور لە پارتی ململانێ دەکات و بەمانای کەلیمە ئێستا حزبێکە ڕووئیا و سیاسەتی ڕوونە، بۆپارتی قورس بوو، هەرئەمەشە پارتی لەبری ئەوەی دان بە کۆدەنگی یەکێتی بنێت، دەڵێت بەرهەم ساڵح ترازانی دروستکرد .حەقیقەتەکە ڕێک پێچەوانەیە.

پارتی چی دەشارێتەوە؟

پارتی دەبێت لای ئاسایی بێت کەیەکێتی حزبێکە و بەرهەم ساڵح جێگری سکرتێری ئەو حزبەیە ڕوئیای هەیە کاریگەریشی هەیە کاتێک یەکێتی نابێتە نێچیر بۆپارتی یان هەژموونی پارتی لەسەری نەماوە ئیتر ئەمە بەمانای ترازان نایەت، بەڵکو بەمانای هاوسەنگی یەکێتی و کۆدەنگی یەکێتی دێت. 
لەسەر ئەم پرسە باشترین بژاردە ئەوەیە پارتی بزانێت بەرهەم ساڵح بەشێکە لەوەی ناهێڵێت یەکێتی بەلاوازی بچێتە گفتوگۆ بەشێکە لەوەی یەکێتی بڕیار و سیاسەتی هەبێت
پارتی زوڵم لەخۆی و کادرانیشی دەکات کە بەلاڕێیاندا دەبات لەسەر ئەم پرسە باشترین بژاردە ئەوەیە پارتی بزانێت بەرهەم ساڵح بەشێکە لەوەی ناهێڵێت یەکێتی بەلاوازی بچێتە گفتووگۆ بەشێکە لەوەی یەکێتی بڕیارو سیاسەتی هەبێت هەرئەمەشە ئێستا یەکێتی بڕیاری هەیە ڕوئیای هەیە داوای شەراکەتی ڕاستەقینەو هاوسەنگی دەکات... کەواتە بەرهەم ساڵح باڵانسی هێزو هاوسەنگیە نەک ترازان، پارتیش دەزانێت بەشێکیشە لە ڕێگەخۆشکردن بۆ ڕێککەوتن و گەشتنە چارەسەر بەڵام بەوشێوەی یەکێتی و یەکێتییەکان خوازیارینی نەک پارتی و پارتییەکان، کەئەمەش ئاساییەو واردە و دەبێت وابێت..

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP