هەواڵی ئەمڕۆ

کێ ئۆپوزسیۆنی راستەقینەیە؟

جوانرۆ مستەفا - 14-03-2019 - 1203 جار خوێندراوەتەوە

سەرەتا ئۆپوزسیۆن خۆی چیە؟ و ئیشی چیە؟ ئۆپوزسیۆن بریتیە لە رەخنەگرتن لە دەسەڵات و هەڵسەنگاندنی کارەکانی حکومەت و بەدواداچون بۆ کەم و کورییەکانی، ئۆپوزسیۆن دەبێت بە کردارو گوفتار لەگەڵیدا بیێت و نەبینە هۆی ئاژاوەنان و دوبەرەکی نانەوە لە ووڵات، بەهەر شتێکی باش بڵێن باشە و بەهەر شتێکی خراپ بڵێن خراپە 
دەبێت لایەنی ئۆپۆزسیۆن بەرژەوەندی خەلک پێش بەرژەوەندیە حیزبی شەخسیەکانی خۆی بخات

 

لە ئێستاشدا لایەنەکان تا رادەیەک حکومەتیان  پێکهێناوە  هەندێک لایەن ئۆپوزسیۆن بونی خۆیان راگەیاندووە وە دەبێت ئەمان هەستن  بە ئەنجامدانی ئەو کارەی کە لەرابردودا  نەکراوە دەبێت دەورێکی باڵا ببینن و بە کردار و گوفتاریان  ئۆپوزسیۆن بن و بەردەوام لە کێشە و معاناتی خەلکیدا بن و ببنە چارەسەری کێشەکانی خەلکی و چاکسازی و چارەسەر بۆ کێشە و گرفتەکان بدۆزنەوە کاتێ حکومەت کەمتەرخەمی و گەندەڵییەک دەکات ئەمان چاودێری بکەن و نەیەڵن گەندەڵی تێدا بکرێ بەرژەوەندی خەلک پێش بەرژەوەندیە حیزبی شەخسیەکانی خۆی بخات.

هەندێ لایەن لە رابردودا هەم لە حکومەتدا بون هەم ئۆپوزسیۆن بون

 

کاتێ لایەنێک خۆی یەکلادەکاتەوە کە ئۆپوزسیۆن بوون هەلبژێریت دەبێت هەموو ئەو بەها نیشتیمانی ئەخلاقیەکانی تێدا بێت وە بەکردار هەڵگری نازناوی ئۆپوزسیۆن بێت، نەوەک بەداخەوە هەندێ لایەن کە لە رابردوودا ئەنجامیان دا کە هەم لە حکومەتدا بوون هەم ئۆپوزسیۆنیش بوون بەراستی لە هیچ شوێنێک رونادات وە ناکرێت لە دوو بەرەدا بیت، وە ئەگەر لایەنێک بیەوێت سەرکەوتوو بێت دەبێت خۆی یەکلا بکاتەوە ئەگەر وانەکات ئەوا لە دەرئەنجام هەردووکیانی لەدەستدا وە متمانەی نامێنێ لەناو جەماوەرو لایەنگرانی. 

ئۆپۆزسیۆن بریتی نیە بە دوژمن سەیرکردنی لایەنی بەرامبەر

 

لە ئێستاشدا هەندی لایەن بەناوی ئۆپوزسیۆن بوون خەریکە ئەم ووشەیە ناشرین دەکات، بەداخەوە نازانم لەماناکەی تێنەگەیشتون یان دەیانەوێت خۆڵ بکەنە چاوی خەلکەوە، خەریکی پشێوی نانەوەو دوبەرەکی و دوژمنگەرانەن لە نێوان حکومەت و خەلکی بە ناشرینکردنی پیرۆزییەکانی وڵات و جنێو و سوکایەتی بە سەرکردەکانی ووڵات و ناوزڕاندنیان، خەریکی دروست کردنی رق و قینەن بەناوی یارمەتی دانی خەلکی بۆ مەبەست و مەرامی خۆیان و بۆ گەورەکردنی خۆیان، دەبێت بە باش بڵێت باشە و بە خراپیش بڵێ خراپە نەوەک چاکەکانیش بە خراپدابنێ ، وە ئۆپۆزسیۆن بریتی نیە بە دوژمن سەیرکردنی لایەنی بەرامبەر و هەموو  کارەکانیان رەتبکەیتەوە نا بە پێچەوانەوە دەبێت ئەمان کارێک بکەن کە هەموو لایەنەکان کۆبکەنەوە و ببنە رێنیشاندەریان بۆ کاری چاکە. 


ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP