رۆحانی لەترەمپی بردەوە..

دەلیل جەمال - 12-03-2019 - 2992 جار خوێندراوەتەوە


لەم ماوەیەدا دو سەردانی سەرۆکی وڵاتانی دو جەمسەرەکەی جیهان بۆ عێراق و جۆر و شێوازی سەردانیەکان خوێندنەوەی خۆیان هەیە بەتایبەت سەردانەکەی سەرۆک ڕۆحانی بۆلای سەرۆک د.بەرهەم ساڵح پەیامێکی ڕون و ئاراستەکرا بو بۆ ترەمپ.

هاتنی سەرۆک ترەمپ بۆ عێراق سەردانێکی داخراو و دور لەچاوی کامێرا و بێ دیداری سەرۆکانی عێراق بو، بە تایبەت لێدوانەکەی ترەمپ دوای گەڕانەوەی بۆئەمریکا و بۆ میدیا رایگەیاند، نەبینینی بەرپرسانی عێراقی بۆ ترس و متمانەبوە و دڵنیانەبوە لە ژیانی خۆی. واتە ئەمریکا و ترەمپ لەعێراقدا هێشتا نەیانتوانیوە ببنە جێی متمانە و ترسیان هەیە و دڵنیانین لە خۆیان کە پێموایە ئەم لێدوانەی ترەمپ لاوازی بو.
رۆحانی بەم سەردانەی توانی لەبەرانبەر سەردانی ترەمپ سەرکەوێت و بەگەلی عێراق بڵێت ئێمە لە ئێوە دڵنیاین و ژیانمان لێرە پارێزراوە و لەگەڵتانین

 

لەبەرانبەردا سەردانی سەرۆک رۆحانی بە ڕۆژی نیوەڕۆ لەبەرچاوی میدیاو دیدارەکانی لەگەڵ سەرۆک کۆماری عێراق پەیامێکی بەهێزبو کە ئێران بەهێزە و دڵنیایە لە ژیانی خۆی لە عێراقداو پەیامێکیش بو کە ئێران لەعێراقدا هەیە و ترسی نییە و بونی هەیە، بۆیە زۆر جار سەرۆکەکان دەتوانن پەیامی بەهێزی بگەیەنن. رۆحانی بەم سەردانەی توانی لەبەرانبەر سەردانی ترەمپ سەرکەوێت و بەگەلی عێراق بڵێت ئێمە لە ئێوە دڵنیاین و ژیانمان لێرە پارێزراوەو لەگەڵتانین. بەپێچەوانەوە ترەمپ لاوازبو عێراقی خستە خانەی وڵاتێک کە دڵنیایی تێدانییە و دڵنیا نیە لەمانەوەی لەعێراق... 
لەعێراقدا رۆحانی بەوپەڕی متمانە و دڵنیایی و ترەمپیش لەوپەڕی ترس و بێ دڵنیایی و بێ دیدار بو

 

سەردانەکەی ڕۆحانی بردنەوەیەکی ناڕاستەوخۆ بو لە ترەمپ و بەستنەوەی ئێران بە ئازاری عێراق و بەراوردێکی ناڕاستەوخۆی ئێرانی لەگەڵ ئەمریکا کرد بۆجیهان لەعێراقدا رۆحانی بەوپەڕی متمانە و دڵنیایی و ترەمپیش لەوپەڕی ترس و بێ دڵنیایی و بێ دیدارو بو..

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP