یەکێتی پلانی(B)دەگۆڕێت؟

دەلیل جەمال - 1-03-2019 - 4649 جار خوێندراوەتەوە

ئێستا دوای ئەوەی هەرێمی کوردستان زیاتر بەئاراستەی تێکچوونی تەوافوقی سیاسی هەنگاودەنێت و بەڕادەیەک هەنگاوەکانی پارتی بەرەو زۆرینەی پەرلەمانی دەڕۆن و هاوکات پێکهێنانی لیژنەی یاسایی سەرەداوی پلانی پارتی دەرخست و لەدەرەوەی تەوافووق پارتی زۆرینەیە ئێستا ترسی گەورەش لەبەردەم بژاردەی سیستمی حوکمڕانیدایە لەئایندەدا جا پەرلەمانی بێت یان سەرۆکایەتی.

بژاردەی سیستمی حوکڕانی

بەو وێنەیەی ئێستا لەبەردەم لایەنە سیساییەکان و هاوڵاتی نمایشکراوە هێزی یەکلاکەرەوە لەنێوان سیستمی پەرلەمانی وسەرۆکایەتی لەدەست پارتییە و پارتی زۆرینەیە ئەمە کاتێک تەوافقی سیاسی نەماوە و لیژنەی یاسایش لای پارتییە بێ هیچ لایەنێک دەتوانێت ئەم پرسە یەکلابکاتەوە. 

یەکێتی و ئەوانی تر..

جگە یەکێتی لایەنەکانی تر کارتی سوتاون و هیچ پلانێکیان بەدەستەوەنەماوە بۆڕێگریکردن لەم هەژموونە و بەشێک بون لەدانپێدانانی زۆرینەی پەرلەمانی بۆپارتی، ئێستا یەکێتی ماوەتەوە لەنێوان پلان و کارتەکانی لەمەڕ ڕێگریکردن لەم دۆخەو گەڕانەوەی تەوافوقی سیاسی بۆ ئێستای هەرێم.

یەکێتی دەتوانێت چی بکات؟

 
هەڵبەت پلان و کارتی فشاری یەکێتی زۆرن و دەستکراوەیە بەڵام پێموایە باشترین پلان و کارتی دەستی ئەوەیە جێگۆڕکێ بەپلان وکارتەکانی بکات و پرسی دەستوور بکاتە پلانی (ِB)ی و ئەولەوییەتی ئێستاو کاری بۆبکات. تاکەدەرچەیەک لەڕووی زەروورەت و پێویستی نیشتمانییەوە ئەولەوییەتەو بۆخۆشی لەنەخشەڕێگای سیاسیدا خاڵێکی جەوهەرییە بەشێکی زۆری کێشەکانی هەرێمیش غیابی دەستوورە هەربۆیه دەستور ئێستا ئەولەوییەتەو دەکرێت پارتیش لەم حاڵەتەدا بگەڕێتەوە سەر ڕێگای سازان و تەوافوقی سیاسی، چونکە تەواوی کارتەکانی پارتی وفشارەکانیشی دوادەخرێن و دەسوتێن، سیستمی حوکمڕانی پێویستە لەدەستوردا بچەسپێت نەک یاسا. چونکە یاساکاتییەو هەمواردەکرێ دەستور عەقدی کۆمەڵایەتییەو هەمیشەییە، پارتی لەم ڕێگەوە ڕادەگیرێت.

لەمەسەلەی دەستوردا پارتی کەمینەیە و ناتوانێت زۆرینەی ڕەهای خەڵک ڕازی بکات کە ئەمەش دەرچەیەکە بۆڕزگاربون لەو دۆخەی هاتوەتە ئاراوە

 

لەمەسەلەی دەستوردا پارتی کەمینەیەو ناتوانێت زۆرینەی ڕەهای خەڵک ڕازی بکات کەئەمەش دەرچەیەکە بۆڕزگاربون لەو دۆخەی هاتووەتە ئاراوە ڕێگای دەربازبون لەزۆرینە مەسەلەی هێنانە پێشەوەی پرسی دەستورە خۆ گەر لایەنەکانی دیکەش بیکەنە ئەولەوییەت کارێکی باش و هەنگاوێکی خێرادەبێت بۆ گەڕانەوەی هاوسەنگی و تەوافوقی نیشتمانی.

ئەوەی دەمێنێتەوە ئایا یەکێتی ڕابەرایەتی ئەم پرسە دەکات لەئێستادا و دەیکاتە پلانی(B)نەخشەڕێگاکەی؟ لێرەشدا پێویستە ڕای گشتی یەکێتی بجوڵێت و پشتیوان بێت لەبەرانبەردا ببێتە ڕوئیاو کارو بەرنامەی هاوڵاتی و ڕۆشنفکران و ئەوانەی دەیانەوێت هەرێم ببێتە خاوەن دەستورو وقوتاربوون لەترسی تاک حزبی و هەژموونی یەک حزب یەکێتی دەتوانێت ئەم هەنگاوەبنێت گەرپارتی سوربو لەسەر زۆرینە و تێکچوونی تەوافق وڕێککەوتنی سیاسی.


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP