چی لەم چوارساڵە بکرێت؟

دەلیل جەمال - 25-02-2019 - 2716 جار خوێندراوەتەوە

هەمیشە بۆهاوسەنگی وبەردەوەمی و پێشکەوتن ،بۆنمایشی دیموکراسیانەی واقعی هەرێم پێویستی بەیاخیبوونی بەبەرنامەو ڕێکخراوی دەرەوەی سیستمی دەسەڵاتە، ئێستا هەرێم لەقۆناغی ناهاوسەنگیییە .چونکە ئەوەی هەیە لەچوارچێوەی سیستم و دەسەڵاتە بۆئەوەی هاوکێشەی سیاسی بەرهەم داربێت دەبێت لەبەرانبەر جەمسەری دەسەڵات هێزی یاخی بەمانای تەواوکاری بوونی هەبێت.

بەشێوەیەکی گشتی ئەوەی تائەمڕۆ هەبووە بەناوی ئۆپۆزسیۆن دەرهاویشتەی سیستمی حوکمڕانییە(یاخی بوون لەسیستم یان دەسەڵات ناکاتە ئۆپۆزسیۆنی چالاک و ستتراتیژ) هەربۆیە سستمی دەسەڵات ئەم تایپەی بردەوە ناوخۆی خۆی و لوشی داو کردیەوە بەبەشێک لەخۆی ، ئەوەی کەدەبێت ببێت لەم قۆناغەدا هێزی ڕەخنەو ڕەخنەی ڕۆشنفکرانە لەدەرەوەی سیستم گەرچی ئێستا گرفتی قوڵ هەیە لەڕێڕەوی ڕەخنەی جدی هەرئەوکاتەی لەناوخیتابی پۆپۆلیستیدا ونو تاڕادەیەک مردو خەفەکرا ،بەڕادەیەک بەشێکی زۆر لەڕۆشنفکرو ڕەخنەگرەجدییەکانیش بوونە قوربانی ئەوئاراستەیەو لەناوقسەو بازاڕی میدیای (بەتەهشیرکراو) بۆئەوەی هوکێشەکە ڕێکخرێتەوە پێویستە لەم قۆناغەدا فەرهەنگی زمانی ڕەخنەپاککرێتەوە لەو وشەو زاراوانەی ململانێی سیاسی نێوان (ئۆپۆزسیۆنی جاران و دەسەڵات)هێنایە ناو فەزای ڕەخنەوەو ڕەخنەی جدیش پاشەکشەی کرد لە بەرانبەر ئەو وتارەپۆپۆلیستییە بێ سنورەی کە تەواوی کایەکانی تێکدا.

ئێستا پێویستمان بە ڕەخنەی جدییە لەفەراغی ئۆپۆزسیۆنی جدی و دورمەودا پێویستە ڕەخنەی زانستی و جدی ئەوڕۆڵە بگێڕێت پێویستە دەسەڵاتی چوارەم و میدیا ئەوڕۆڵە بگێڕێت تابتوانرێت لەدەرەوەی دەسەڵات هێزێکی تری مەعنەوی بۆهاوسەنگی دیموکراسی و تەواوکاری پرۆسەی سیاسی لەهەرێم دروست ببێت ئەمەش بەڕەخنەو گروپێک لەڕەخنەگرانی جدی و میدیا دەکرێت بۆخۆی ئەمە هاوکاری دیموکراسی و پرۆسەی سیاسییە.

ئێستا هیچ هێزێک نییە ئۆپۆزسیۆنی دورمەوداو لەدەرەوەی پەرچەکرداری دەسەڵات بێت ئەوەی دەتوانێت ئەم ڕۆڵە بگێڕێت شەقامێکی ڕێکخراوو ئاراستەکراوی دورمەودایە بێ ئامانجی شواو بەڵکوو لەپێناوی سیستمدا نەک لەپێناوی گەشتن بەدەسەڵات گرفتی گەورە ئەوەیە هێشتا سیستم لەهەرێم داڕێژراوو جێگیر نیە سیستم پێش گەشتنە بەدەسەڵات بۆئەمەش هێزێک نییە کار بۆسیستم بکات ئەوەی ئەتوانێت ئەم کارە بکات هێزی ڕەخنەی جدییە هەلبەت دوای ئەوەی ڕەخنه خرایەوە خانەی خۆی چونکە لەڕابردوودا ڕەخنە بێ ئەرزشکراوە هەم لای دەسەڵات و هەم لای ئەوئۆپۆزسیۆنەی بۆخۆشی بووەتە قوربانی سیستم و دەسەڵات..


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP