ئیتر نۆرەی مانۆرەکانی یەکێتییە...!

ئارام حەمەی مینا - 19-02-2019 - 2429 جار خوێندراوەتەوە

باشترین بژاردەبۆ یەکێتی ،بۆئەوەی قاعیدەی گەمەکە بگۆرێت ویارییەکە بەقازانجی خۆی بشکێنێتەوە، ئەوەیە  پێداگیری بکات لەسەر  پۆستی ( سەرۆکی هەرێم )و بەهیچ جۆرێک توخنی سەرۆکی پەرلەمان نەکەوێت،چونکە تازە ئەو سەرۆکایەتییە هیچ سودێکی بۆ یەکێتی نابێت وبە دوجێگرەکەی کە بۆ سەرۆکی پەلەمانیان داناوە  هەرچییەک بەمەیلی پارتی نەبێت ناخریتە ئەگینداو بەرنامەی کارەوە،لە دۆخیکی واشدا سەرۆکی ئەو دامەزراوەیە بۆ یەکێتی مەگەر هەر سەیری دەمی جیگرەکانی بکات...!

بەم ئاکشن وپێداگیریەش یەکێتی دەتوانێت جادوەکە بەسەر جادوگەرەکەیدا قڵپ بکاتەوە، ئەوەش لەکاتێکدایە کە پارتی دیموکراتی کوردستان نەک هەر هەمو کارتەکانی دەستی  ئاشکران، بەڵکو هەمویانی بەکارهێناوە و  لەدرێژەی گەمەکەشدا ئێستا هیچ کارتێکی بەهێزی لەدەستدا نابینرێت، بۆیە ئیستا تۆپەکە لەساحەی یەکێتیدایە و هەمو ئاماژەکانیش وادەردەکەون کە پارتی سبەینێ زۆر زیاتر لە ئەمرۆ ودوێنێ پێویستی بە هاوکاریی و یارمەتییەکانی دۆستە قەدیمییەکەی خۆی دەبێتەوە ، بەتایبەتی لە پرۆسەی هەڵبژاردنی سەرۆکی هەریمدا کە بەبروای من و بەگویرەی  عورفی سیاسی لە زۆربەی سیستەمە پەرلەمانتاری و تیکەلاوەکاندا، بەلایەنی کەمەوە هەلبژاردنی سەرۆک پیویستی بە  دولەسەر سێی دەنگی پە رلەمانتارانە،ئەمەش  دەکاتە دەنگ ومتمانەی  (۷٤) پەرلەمانتار،بەمەرجێک یەکیتی وهیزە رەسەنە دیموکراتخوازەکانی ناوپەرلەمانی کوردستان پیداگیری بکەن لەسەر ئەو ریژە پەیرەوکراوەدیموکراسییە ، بەبروای من پارتی لەو تەهلوکەچاوەروانکراوەشدا مەگەر یەکێتی ببێتەوە بە فریاد رەس بۆی دەنا هەمو ئەستیرەکانی بەقوببەی پەرلەمانەوە هەر ئەو ٦۸ پەرلەمانتارەن کە دەنگیان بە بەربژێری پارتی بەخشی بۆ وەرگرتنی متمانەی جیگری یەکەمی سەرۆکی پەرلەمان،ئەو جا ئە و  بەزمەش یان پارتی ناچا  ر بە سازش وتەنەزولاتیکی  زۆرتر دەکات بۆ یەکگرتو و کۆمەڵی ئیسلامی و نەوەی نوێ،کە ئەوانیش مەگەر تەنها پرۆسەی هەلبژاردنی سەرۆکی هەریمی بۆ مەیسەرربکات وباقی کێشەکان وەک خۆی و هەرلەجیگای خۆیان دەمێننەوە،کە بەبروای من ئەوەش پینەکردنی هەڵەکانە بە میکانزمیكی هەڵەتر، چونکە لای هەموان ئاشکرایە کە لەو دۆخە جیو سیاسی وسەربازی و  وئابورییەی هەریمی کودستاندا ، قەبارە و قورسایی  یەکیتی زیاترە لە دەنگی (۲۱) کورسی ناوپەرلەمان ، ئەمە سەرباری ئەوەی کە پارتی زیاتر هەمو لایەک دەزانێت کە لەم دیو دێگەڵەوە دنیایەکی تر بەرقەرارە کە پارتی تا رادەی نەبون بێدەسەلات ولاوازە تێیدا وبەبێ یەکێتی پارتی لەمدیو دێگەڵەوە ناتوانێت بەریوەبەری ناحیەیەک دابنێت و بێگومان لەو دیگەڵەشەوە بۆ یەکیتی هەمان هاوکێشە راستە،بۆیە پیویستە عەقڵمەندانی ناو پارتی ریگە راستەکە لەخۆیان ئاڵۆ نەکەن و میللەتەکەش توشی فەتارەت نەکەن،بژاردەی دروست ئەوەیە تیبگەن کە هیشتا ئەجوائی جیوسیاسی وئابوری و ئیقلمی ونیودەولەتیش ریگە بەدەرکەوتنی ئەلتەرناتیڤیکی تر جگە لە هاوکاری وهاوخەباتی پارتی ویەکیتی نادات وهیچ لایەکیشیان ناتوانن لایەکەی تریان نادیدە بگرن و لەیارییەکە یەکتری ئاوت بکەن...!

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP