هێشتا کات ماوە

دەشتی ئەنوەر - 19-02-2019 - 1320 جار خوێندراوەتەوە

ئەوەی لە پەرلەمانی کوردستان ڕوویدا یەکێتی وتەنی گرێی دەستیان خستە دەم، چونکە پێداگیری یەکێتی لەسەر مەسەلەی کەرکوک پێداگیریەکی مێژویی بوو لەسەرکۆی پرۆسەی حکومڕانی لە  کوردستاندا، چونکە دواجار بە بێ کەرکوک هاوکێشەکان لاتەریبن و ناڕێک دەبن ئەگەر درێژ بێتەوە.

پێداگیری یەکێتی لەسەر مەسەلەی کەرکوک پێداگیریەکی مێژویی بوو لەسەر کۆی پرۆسەی حکومڕانی

یەکێتی لە دوای ئەنجامەکان هەڵبژاردنەوە بە یەک پاکێج مەسەلەی کوردستان و کەرکوک و بەغدادی کردە یەک بەرنامە و پێکەوەی گرێدا بۆ ئەوەی خەڵکی ڕزگاری بێ لەم چەڵەمە سیاسیەی ئێستا بەرۆکی کوردستانی گردووە بە هۆی خراپی سیاسەتەکانی حکومەت و سەرکردایەتی سیاسی کوردستان کە هەولێر سەرپەرشتی دەکرد، یەکێتی دەیەوێ ئەمە ڕاست بکاتەوە و کورد کوردبێ، پاکێجێکی یەک دانوستانی بێ، نەک کات کوشتن و قۆستنەوەی لە لایەن هێزە غەیرە کوردییەکانەوە.
یەکێتی لە دوای ئەنجامەکان هەڵبژاردنەوە بە یەک پاکێج مەسەلەی کوردستان و کەرکوک و بەغدادی کردە یەک

هێشتا کات ماوە بۆ دانیشتن و گفتوگۆکردن لەسەر مەسەلەی کەرکوک و دانانی پارێزگارێک لە پشکی یەکێتی، چونکە ئەمە وا دەکات حکومەتێکی بە هێزی هەرێمی ئەنجامەکەی دەبێ، ئەگەر نا ئەوا پێچەوانەکەی ڕوونە و حکومەتێکی لاوازی زۆنی زەرد چاوەڕوانە، ئەدای کارەکتەرە حکومڕانیەکە زۆر خراپتر دەبێ لەوەی چاوەڕوان دەکرێت، ئەگەر چی دۆخەکە چەند باش بێ بەڵام دەسەڵات لاوازی حکومەتێکی لاواز ئامانجی هیچ لەو لایەنانە ناپێکێت کە خوازیارن باش بێ.
هێشتا کات ماوە بۆ دانیشتن و گفتوگۆکردن لەسەر مەسەلەی کەرکوک و دانانی پارێزگارێک

یەکێتی هێشتا سورە لەسەر پاکێجەکەی خۆی و حەق نیە لەسەر بڕیارەکانی خۆی پاشەگەز بێتەوە، چونکە هەموو کات هەمووان لەسەر کەرکوک بە جیا فرمێسک دەڕێژن بەڵام کە دێتە سەر ئەرزی واقع کەسیان‌ وەک یەکێتی نە قوربانی دەدەن نە ئاهنگیشی بۆ دەگێڕن لە شەڕی داعشدا ڕوونە یەکێتی چی و چۆنیشی بۆ کرد.
حەق نیە یەکێتی لە بڕیارەکانی خۆی پاشەگەزببێتەوە

مەلەسەی کوردیش لە بەغدا لە پاکێجەکەی یەکێتیدا ئاشکرایە، لەبری تاک تاک چونە بەغدا یەک دەنگ و یەک ڕەنگی وا دەکات دۆخی کورد قۆناغێکی باشتر لە ڕووی سیاسی و ئابووری و کۆمەڵایەتیەوە بچێتە پێشەوە کە چەند ساڵێکە چەقی بەستووە بە هۆی ناکۆکیەکانەوە.

بۆیە حەقی خۆیەتی مەسەلەی کەرکوک و بەغدا ببەسترێتە پێکهێنانی حکومەتەوە، چونکە بە حکومەت و ئیدارەدانی پینەو پەڕۆ بەم شێوازە حکومداریە ناکرێت و خەڵکیش لە چاوەڕوانیدا بمڕێت.


ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP