بارزانی و خەنجەرەکەی کابرا

دەلیل جەمال - 18-02-2019 - 20224 جار خوێندراوەتەوە

دۆخی هەرێم هەستیارو تاڕادەیەک خراپ وناجێگرە هێشتا لەبەغدا دڵنیایی تەواو نییە کەرکووک لەلێواری لەدەستدانە  ڕووداوەکان بەئاراستەی تێکچون و ترازانن پەیوەندی نێوان یەکێتی پارتی وەک پێویست نیە لەکاتێکدا بڕیارە ئەم قۆناغە قۆناغی حەسمی هەندێک کێشە بێت لەبەغداو هەرێم وکەرکووک .

ڕابەروو سەرکردە ناونییە لەخۆوەو دورگرتن و بێدەنگی ناتکاتە کارێزما ئەوەی بەگەورەیی و کارێزما دەتهێڵێتەوە ئەو هەڵوێست و قۆناغانەن دێنە پێش و کەسایەتییە گەورەکان دەردەکەون و دەی قۆزنەوە بەچاکەی گشتی لەپێناوی میللەت و خەڵکەکەی دەبێتە بەشێک لەبڕیارو چارەسەر

ئێستا بارزانی بێدەنگە لەم ڕاکەڕاک و خرۆشان و ململنێدا ئەوەی چاوەڕێ دەکرا دوای مام جلال و کاک نەوشیروان کاک مسعود بتوانێ باڵانسی نیشتمانی ڕاگرێت و هەوڵی جدی بدات و خۆی سەرمەشقی ڕێککەوت و نزیک بوونەوەی لایەنەکان بێت . ئەمەش تائەمڕۆ دیارنییەو بێدەنگە

خەنجەرەکەی کابرا .
ئەم ئیدیۆمە زۆرباوە کابرایەک چەند کەسێک پەلاماریاندا حەریک بوو بیکوژن گوتیان کاکە خەریکە دەتکوژن ئەوخەنجەرەی پێتە بۆکەی و بۆبەکاری ناهێنی ؟ لەوەڵامدا وتی بۆتەنگانە ئێ کاکە لەوەتەنگانەتر خەریکە دەتکوژن؟
لەمڕۆ خراپتر و تەنگانەتر چەندین مانگە حوکمەت پێک نەهاتووە؟ لایەنەکان پەیوەندیان خراپە کەرکووک پڕلەکێشەیە لەبەغدا تەبانین؟
دەبێت کەی بارزانی بێتە سەرخەت و خۆی نمایشبکات ئاخر ئاسان نییە بوون بەسەرکردە و مەرجەع کەسایەتی مەرجەع بڕیاری هاوسەنگ دەدات دانانیشێت نابێتە بەشێک لەململانێی حزبی ، عینادی یاسی نییە مەرجەع ئێستا پێویستە دۆخەکە چارەبکات وەک دەڵێن (دوای باران فەرەنجیم بۆچییە!)

بارزانی گەر دەیەوێت مەرجەع بێت دەبێت سیفەتی مەرجەع بوون و سەرکردەی نەتەوەیی هەڵگرتبێت دەبێت بتوانێت حاسمی بابەتی و کێشەکان بێت نەک لەدوورەوە سەیری ململانێ و ملشکانی براکان بکات نەک خۆی دورەپەرێزو پەیام بەری هەبێت ناگونجێ بارزانی حزبەکەشی بخاتە حاڵەتێک توانای پێکەوە گونجان و کاری هاوبەشی هەبێت.

کارێزماو سەرکردە پێشبینی دەکات و پێش ڕووداوەکان دەکەوێت و ناهێڵێت لێکەوتەی خراپیان لێ بکەوێتەوە .

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP