بەپەلە

لادانە کاتییەکەی یەکێتی کەی؟

دەلیل جەمال - 2-02-2019 - 2359 جار خوێندراوەتەوە

کاتێک لەهەرجێیەک بویسترێت خراپ بوونێک یان ڕێگایەکی   خراپ و تێکچوو ،هەرشتێک چاک بکرێتەوە بەشێوەیەک وەک خۆی یان باشتر لەخۆی  ئەوە پێویستی بەلادانێکی کاتی دیاریکراو هەیە(کاتی دیاریکراوگرنگە وەک پڕۆژەکانی حوکمەت نا کاتی دیاریکراو درێژدەکرێتەوە )

لادان گەرچی لەشاڕێ یان لەڕێگەی ڕاهاتوو لادان دەدات بەڵام لادان گرنگە بۆ ڕێکخستنەوەو چاککردنەوە
یەکێتی ئێستا پێویستی بە (لادانی کاتی)هەیە گەرچی ئەرکی قورس و پڕدژوارییە بەڵام زەروورە .
پێش کۆنگرە یەکێتی پێویستی بە دیالۆگی ڕوون و هەڤاڵانەی ناوخۆی هەیە پاک بوونەوە بەواتای داڕشتنەوەی ئەرکو ڕۆڵی ناوخۆیی لەچوارچێوەی میکانزمێکی نوێ 

یەکێتی دروست بەشێکی کێشەکانی پەیوەندی بەشێواوییە لە ئسوڵی کاری حزبی یان فوکردن لەپشکۆی مێژوو گێڕانەوەی حیکایەت و داستان و خودی مێژوو بەشێوەی جیا لەڕێگەی کارەکتەری جیاوە
لادان لەو مێژووە خۆکردوو شەخسیانە زەروورە بۆئەوەی بتوانرێت مێژوویەکی گەورەتر و باڵاتر بۆیەکێتی ببێتە توراس. زەروورە بۆ دوبارە ڕێکخستنەوەو نوسینەوە پێویستە مێژووی یەکێتی لەبێژنگ بدرێتەوە(بۆئەوەی ئەوەی دەمێنێتەوە ببێتە مێژووی هەموان)

لادانی کاتی زەروورە تا بتوانرێت لەودەرگایانە بدرێت کەدەکرێت لەچوارچێوەی واقع و ڕێز لەڕابردوو نەتوانرابێت لێیان بدرێت کەیەکێتیش لەو سۆنگەوە بووەتە قوربانی
بێدەنگی لەبەرانبەر ئەو مێژوو کاروسیاسەتەی حیساب دەکرێت لەسەر یەکێتی کە هی یەکێتی نییە وەک هێزێکی گەورەی گشتگیر.

لادانی کاتی بۆ دیالۆگی هەڤاڵانە  بۆ قسەکردنێکی بێ ڕوپامایی و عاقڵانە لەچوارچێوەی لۆژیک و خواستی حزبی بۆ ئێستای بەردەوامی.
کەزۆرجار نەتوانراوە دیالۆگی هەڤاڵانە بخرێتە سەر مێزی گفتوگۆ .

لادانی کاتی بۆدەست بردن بۆ ئەو بابەتە( زاتی ومەوزوعی)یانەی کە بەشێکی سەرەکین لەهێشتنەوەی یەکێتی لەچوارچێوەی خیتابێکی پەرت و کەمێک سەرئێشەدا ، گەرچی ئەم لادانە پێویستی بەوەیە پەنجەبخرێتە سەر دوگمەی داگیرسانی گڵۆپی سەوز بۆچارەسەر بەڵام بێ سەرئێشە نیە گەر خواست هەبێت بۆچاککردن.

لادانی کاتی بۆ تێپەڕاندنی چاڵ وچۆڵی بەردەم دروشم وواقع بۆ تێپەڕاندنی گردۆڵکەی موزایدەو فرۆشتنەوەی
 مێژوو دەرچوون لەو کۆسپانەی هەن هەڵبەت دەبێت بەباوەڕەوە هەنگاو هەڵگری 
لادان لەنێوان (کات ودووریدا)

 

بۆئەوەی دووری کەم کەیتەوە پێویستە کات خێراتربکەی، هێشتنەوەی دوریەکان لەنێوان جەمسەرو دنیابینییەکان لە فەزای ناجێگیردا  هەم دوری زیاد دەکات هەم کات درێژ دەبێتەوە یەکێتی پێویستی بەخێرایی کات هەیە تادووریەکان نزیک بکاتەوە لەم حاڵەتەدا دەبێت بۆکاتی پشت لەهەندێ مەسڵەحەت و هاوڕێیەتی و مێژوو بکەی (هەموو هەنگاوێکی باش قوربانییەکی گەورەی لەپشتە)

چۆن کۆتایی بەلادان دێت؟

 

وەک ئاماژەم پێدا کاتت خێرکرد دووری کورت دەبێتەوە تاگەشتن بەخاڵی کۆتایی ویەکگرتنی هەردوو دوریەکە (دووری ڕێگەو شاڕێگە ئەزەلییەکە ودووری لادانەکە کەخاڵی یەکگرتنی ئامانجەکەیە)
دواجار کۆتایی بەلادانی کاتی دێت و کاروان دەچێتەوە سەر ڕێگای خۆی ..لەم حاڵەتەدا یەکێتی دەتوانێت بڕیارە قورسەکان بدات و چارەنوسی خۆی لەسەر ڕێگە چاکەکە دیاری بکات تا گەشتن  بەوەش بڕیاری کۆنگرە بدات کۆنگرەش پێویستی بە ئامادەسازی و ڕێگەی کەمتر لەبەرزی و نشێوی هەیە.

 بۆئەوەی ئامانجت لێدیاربێت 

 

پێویستە یەکێتی بەرزی و نزمییەکان تەخت و پڕکاتەوە بۆئەوەی ئەوسەری ڕێگەو کۆنگرەی لێوە دیاربێت یەکێتی زەروورە دەست بەلادانی کاتی بکات و بەخێرای کات کۆتایی بەولادانەش بهێنێت بۆگەڕانەی شاڕێگە و کەمکردنەوەی دووری نێوان جەمسەرەکان ئەمەش دەبێت ئامانجی یەکێتی گەورەتر سەیربکرێت لەسۆزو خواستی هەڤاڵانەو هاوڕێیانە
یەکێتی  ئەوکات دەتوانێت کۆتایی بە  دروشم بهێنێت لەپێناوی کرداری ئامانجدا ...


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP