بزانین گۆڕان ئەبێ بەتەڵەکەوە؟

دەلیل جەمال - 29-01-2019 - 5229 جار خوێندراوەتەوە

پارتی دوای ئەوەی دەستی لەهەمانە دەرچوو دەیەوێت بەسیناریۆی دیکە یەکێتی کەنارگیربکات و بیخاتە دەرەوەی (حوکمەتە خۆجێی)یەکان  لەکاتێکدا حوکمەتە خۆجێیەکان کرۆکی دەسەڵاتی جێبەجێکردنن گەرچی ئێستا یەکێتی بەشێوەیەکی فعلی خاوەنی هیچ یەک لەپارێزگارەکان نییە جگە( پارێزگاری هەڵەبجە) کە لەڕووی ئیداریەوە کێشەی هەیەو جێگیر نییە.
دەیەوێت تۆپەکە بخاتەوە ناو ساحەی یەکێتی و گۆڕان

 

سەرباری ئەوە سیناریۆی دووەمی پارتی هێنانی چەمکی(بێلایەنی سیاسی)کەهەڵبەت ئەمە یارییەکی تری پارتییەو لەزۆر ویزگەدا دەیخاتە بەردەم یەکێتی چ لەپرسی سەرۆککۆمار و وەزیری داد ئێستاش مەسەلەی پارێزگاری کەرکووک کە پارتی بەدوو ئاراستە ئیش دەکات ناڕاستەوخۆ

ئاراستەی یەکەم/هەوڵدەدات تابۆی بکرێ پارێزگار کەسێک بێت بێلایەن (پارتی زۆر سودی لەم کەسە بێلایەنانە بینیوە)
ئاراستەی دووەم/ دەیەوێت تۆپەکە بخاتەوە ناو ساحەی یەکێتی و گۆڕان بەجۆرێک ئێستا پرسی پارێزگارێک لەگۆڕان بۆ کەرکووک دەوروژێنێت.

پارتی دەیەوێت ناڕاستەوخۆ یەکێتی بکاتە دەرەوەی حوکمەتە خۆجێیەکان

 

پارتی دەیەوێت ناڕاستەوخۆ یەکێتی بکاتە دەرەوەی حوکمەتە خۆجێیەکان هەروەک لەحوکمەتی خۆجێیی هەولێرکردی دوای ئەوە یەکێتی هێزی دووەمیش بوو هیچ پۆستێکی نەدایە..
هەرچەند یەکێتی باشتر لەسیناریۆکان تێگەشتووەو هەرئەوەشە ئێستا زیاتر یەکێتی ملنادات و ڕۆڵی خۆی دەگێڕێت و بەدەوری ئیتحقاقاتی جێ نفوس و پێگەی خۆیەتی پێموایە پارتیش لەو مەسجە گەشتووە هاوکارەکانی  ناتوانن ملی یەکێتی بخەنە بەر چەقۆی بێ ڕەحمی پارتی 
هەربۆیە ئێستا زیاتر ئەو ڕۆڵەی داوەتە کەسانی دیکە لەناو بزوتنەوەی گۆڕان .

پارتی دەیەوێت گۆڕان بباتە ناو ململانێکەوە

 

پارتی دەیەوێت لەهەنگاوی ئایندەدا ڕۆڵی زیاتر بداتە پارێزگاری ئێستای سلێمانی کەلە پشکی گۆڕانە بۆئەوەی وێنایەک دروست بکات گەر کەسێکی تر لەدەرەوەی یەکێتی لەکەرکوک بێت دەتوانێت هاوسەنگی بپارێزێت.

ئەمەش سیناریۆیەکە کە پارتی دەیەوێت گۆڕان بباتە ناو ململانێکەوە.. گۆڕان دەبێت یەکەم ڕازی نەبێت بەکرێتە بەشێک لەو سیناریۆیە دووهەمەن دەبێت گۆڕان بزانێ نەسەردەگرێ نەدەتوانێ سەرکەوێ ..ئەوەش واقع و دیفاکتۆی کەرکووکەو یەکێتی دەتوانێت بەڕێوەی ببات..

پارتی مناوەرەی خۆی گواستوەتەوە بۆ حوکمەتە خۆجێیەکان و ئەم شەڕەش بەوەکالەتی بۆ گۆڕان دەکات

 

بەڵێ پارتی مناوەرەی خۆی گواستوەتەوە بۆ حوکمەتە خۆجێیەکان و ئەم شەڕەش بەوەکالەتی بۆ گۆڕان دەکات لە ڕواڵەتدا بەڵام لەجەوهەردا ئامانی ترەو پێکدادانی نێوان قوتبەکانی زۆنی سەوزە  بەڵام ئەمجار ساحەی ململانێکە کەرکووکە هەڵبەت ئەگەر گۆڕان ئامادەیی هەبێت پارتی ئەم مناوەرەی بۆ بکات..


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP