لە چاوەڕوانى ئیمزاکەى سەرۆکدا

دەشتی ئەنوەر - 28-01-2019 - 1978 جار خوێندراوەتەوە

دەشتى ئەنوەر

هەفتەى ڕابردوو ئەنجومەنى نوێنەرانى عێراق بە کۆى دەنگ بودجەى 2019 ى عێراقی پەسەندکرد.
ئەوەى کە گرنگ بوو لە پەسەندکردنى بودجەى 2019 مەسەلەى زیاد کردنى ئەو بڕە پارەیە بوو کە حکومەتى عێراق بۆ مەسەلەى موچەى فەرمانبەرانى هەرێم زیادیکرد لە 317 ملیار دینارەوە بۆ 522 ملیار دینار بە پشکى پێشمەرگەشەوە.

بۆ ئیمزاکردنی، بودجە ڕەوانەی سەرۆکایەتی کۆمار دەکرێت

بەهەموو پێوەرێک دواى پەسەندکردنى کۆتایى ڕەوانەى سەرۆکایەتى کۆمارى عێراق دەکرێت بۆ ئیمزاکردنى.
لێرەدا دەگەڕێمەوە بۆ چوار مانگ پێش ئێستا کاتێک داواکرا پۆستى سەرۆکایەتى کۆمار بدرێت بە  د.بەرهەم کە پشکى یەکێتیە، ئەو کاتە د.بەرهەم ئەم پۆستەى وەرگرت لەبەر بەرژەوەندى خەڵک و چارەسەرکردنى کێشەکانى کورد وەریگرت، بۆئەوەى ئەم گەلە ڕزگارى بێ لەم کێشە کەڵەکە بووە سیاسیانەى لە دواى پرۆسەى ئازادى عێراقەوە بەرۆکى هەرێمى گرتووە.

بەراود بەساڵانی پێشوو یاسای بودجەی 2019 باشتربوو

کێشەکان لاى هەمووان ڕوونە، بەڵام چارەسەرکردنى تیمێکى باشى دەوێ لە هەرێم کۆدەنگى و پشتیوانى تیمى بەغدا بکات و کۆتاییان پێ بێت.
مەسەلەى بودجە و موچە کە گرنگترینیانە بۆ خەڵک، ئەمە یەکەم هەنگاو بوو هەم بەغدا ناشتى و هەم ئیدارە کوردى لە بەغداد کارى تیاکرد لە داهاتووشدا ڕوونتر دەبێتەوە کێ ئەو ڕۆڵە گرنگەى بینیوە.
ئەوەى گرنگە ئێستا پرۆژە یاساکە ڕەوانەى سەرۆکایەتى دەکرێت و د.بەرهەم ئیمزاى لەسەر دەکات، کۆنگرە ڕۆژنامەوانیەکەى سەرۆکى حکومەتى هەرێمیش ئەوەیدا بە گوێماندا کە هەرێم چاوەڕوانى ئیمزاکەى سه‌رۆك كۆمارن بۆ ئەوەى لە هەنگاوى یەکەمدا کێشەى موچەى فەرمانبەرانى پێ چاکبکەن، کە سەرۆکى حکومەت وتى بەبەراورد بە یاساکانی پێشوو بۆ هەرێمی کوردستان باشترە، کەوایە ساڵى 2019 بە هەموو پێوەرێک باشتر دەبێ بۆ چینى فەرمانبەران. 

پێنج ساڵە فەرمانبەران لەقەیراندان

هەمیشە د.بەرهەم وتویەتى لە هەر کوێدا گەلەکەم پێویستى پێم بێت ئەوا من لەوێم، کەوایە ئێستا هەرێم چاوەڕەوانى ئیمزاکەى بەرهەم ساڵحە و فەرمانبەران لەم قەیرانەدا ڕزگاریان بێت کە پێنج ساڵە بەرۆکى گرتوون، بەدڵنیایەوە سەرۆک کۆمار بەئەندازەی سەرکردە خەمخۆرەکانی ھەرێم و زیاتریش بەپەرۆشە بۆئەوەی  ئیمزاکە بکات و زوڵمی پاشەکەوتی موچە لەسەر ڕۆڵەکانی میللەتەکەی لابەرێت.


ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP