هەواڵی ئەمڕۆ

بۆچی یەکێتی هەڵوێست دەگۆڕێت؟

دەلیل جەمال - 27-12-2018 - 5268 جار خوێندراوەتەوە

قسەکردن لەسەر پرسی سەرۆکایەتی هەرێم و میکانیزمی هەڵبژاردنی سەرۆکی هەرێم لە نێوان هەڵبژاردنی لە پەرلەمان یان لەناوخەڵکەوە خەریکە دەبێتە مژاری گەرمی نێوان هەردوو ئاراستەسیاسیەکەی یەکێتی و پارتی دوای کۆتایی هاتنی ماوەی یاسایی کاک مسعود لەپۆستی سەرۆکی هەرێم  ئەوکات بارودۆخی هەرێم لەبارنەبوو بۆهەڵبژاردنی سەرۆکێکی نوێ ئەمە دوای ئەودووساڵەی کەبەپشتیوانی یەکێتی بۆی درێژکرایەوە دوای دوساڵەکە دووبارە هەرێم کەوتەوە ئەوفەراغەیاساییە لەسەر میکانیزمی هەڵبژاردنەکەلایەنە سیاسییەکان بوون بەدوو بەشەوە یان دوو ئاراستە...

ئاراستەی یەکەم/ ئەو ڕایەبوو کە هەوڵیان دەدا سەرۆک لەپەرلەمان هەڵبژێرێت  چوونکە هەم دەکراو و هەمیش کاتی زۆری نەدەویست و دەتوانرائەو فەراغە لەڕووی یاساییەوە پڕبکرێتەوە ئەم ئاراستە زیاتر یەکێتی و گۆڕان ڕابەرایەتیان دەکرد بەحوکمی ئەوەی لەڕووی کورسی پەرلەمانی لەپارتی زیاتربوون بۆیەکێتی زیاترجەختی دەکردەوە لەڕێگەی پەرلەمانەوە ئەوپرسە یەکلابکرێتەوە .لەڕێککەوتنی نێوان پارتی و یەکێتی بۆ درێژکردنەوەی تەمەنی کاک مسعود وەک سەرۆکی هەرێم ئاماژە درابوو کە ئەم یاسایە جارێکی دیکە درێژناکرێتەوە بەم خاڵە یەکێتی دەرگای لەسەر کاک مسعود داخست کەبۆی نییە خۆشی کاندید بکاتەوە ئەمە وای کرد یەکێتی جەختی لەسەر هەڵبژاردنی سەرۆک لەناو پەرلەمان دەکردەوە.


ئاراستەی دووەم/پارتی بوو هەوڵی دەدا لەناوخەڵکەوە بێت چونکە دڵنیابوو هەڵبژاردن ئەنجام نادرێت و ئەوپرۆسەیە زۆری دەوێت  دڵنیاش بوو لەوەی کە دووبارە ئەم داوایە وادەکات کاک مسعود بمێنێتەوە دەرئەنجام واش دەرچوو بۆپەرلەمانیش پارتی ئەوکات کەمینەبوو دڵنیانەبوو لە سەرکەوتنی کاندیدەکەی. دواجار پارتی بۆ مانەوەی کاک مسعود پەرلەمانی داخست و گۆڕانیشی کردە دەرەوەی حوکمەت.ئەمەشی لەپێناوی ئەوەداکرد کە خواست و داوای یەکێتی و گۆڕان نەیەتە دی.

ئێستا بەشێوەیەک لەشێوەکان جێگۆڕکێ بەم هەڵوێستە کراوە یەکێتی دەیەوێت سەرۆکی هەرێم لەناوخەڵکەوە بێت کە ئەم دیدە پشتیوانی یاسایی هەیەو یاساکە بەو جۆرەیە پارتیش هەڵوێستی گۆڕاوەو دەیەوێت سەرۆکی هەرێم لەپەرلەمان دابنرێت.  لەمەڕ گۆڕان ئێستا هەمان ڕای پێشووی هەیەو لەگەڵ ڕای پارتیدایە واتە ئێستا ئەم دیدە لەمەسڵەحەتی پارتییە.

بۆچی هەڵوێست و تێڕوانینەکان گۆڕان؟

هەڵبەت هێزی سیاسی دەبێت مناوەرەو سیاسەت و تێڕوانینی بەپێی  ڕووداوو واقعی ڕۆژبێت مانەوە لەسەریەک هەڵوێست بەواتای ژیری و سیاسەت و ڕاستگۆیی نییە لەکاتێکدا هاوکێشەکان گۆڕابن پارتی لەئێستادا دڵنیایە لەسەرکەوتنی بەربژێری سەرۆکی هەرێمی لەناوپەرلەمان و دڵنیانییە لەسەرکەوتنی بەربژێری لەناو خەڵک لێرەوەیە پارتی  توشی غروری سیاسی بووە هەرئەمەشە وای کرد بەرلە گفتووگۆ لەگەڵ لایەنەکان بەربژێری بۆهەردوو سەرۆکایەتی حوکمەت و هەرێم ڕابگەیەنێت خۆدەکرێت بپرسین بۆچی پارتی ئەوکات ڕازی نەبوو بە هەڵبژاردنی سەرۆکی هەرێم لەپەرلەمان و ئێستا دەیەوێت لەپەرلەمانەوەبێت؟ هەڵبەت ڕوونە و ئاماژەم بە فاکتەرەکانیداوە پێشتر.

بەخوێندنەوەیەکی تر ئەوە پارتی نییە چووەتە سەر داوای ڕابردووی یەکێتی و گۆڕان بەڵکوو ئەوەی پارتی والێکرد مەسڵەحەت و گرەوی سەرکەوتنیەتی لەو ڕێگەو بۆ یەکێتی ئێستا دۆخ و قۆناغێکی دیکەیە و هاوکێشەکان گۆڕاون. گۆڕان کە لەڕابردوودا هاو ئاراستەو تێڕوانینی بوو لەسەر ئەم پرسە ئێستا گۆڕان زیاتر بەلای پارتیدا دەڕوات و لاسەنگی دیدی پارتیە.

هەروەها یەکێتی دەیەوێت پرسی سەرۆکی هەرێم بخاتە تەرازوی سەرۆکی حوکمەت (کاتێ پێکهێنانی حوکمەت بەتەوافوقی سیاسی پێکهات)  ئەم هەڵوێستەی یەکێتی ئیجابییەو سیاسەتێکی ڕاستەوانەی واقعی ئەمڕۆیە بۆیە زەرورە گەرپارتی ناهاتە ژێرباری تەوافووق و ڕێککەوتن ئەوا باشترین بژاردە ئەوەیە سەرۆکی هەرێم بخرێتە خانەی دەرەوەی پاکێجی پارتی و ئەو پرسە بخرێتە دەرەوەی پەرلەمان و بخرێتە دوای پێکهێنانی حوکمەت و کابینەی 9.

ئەم هەڵوێست و دیدە سیاسییەی یەکێتی بەواتای ئەوە دێت بەربەستە لەبەردەم هەژموونی پارتی بۆ بردنی پرسە گرنگ و سەرۆکایەتییەکان هەڵبژاردن و زۆرینەی پەرلەمانی دیوێکی دیموکراسیانەی  سیاسەتە دیوەکەی تری مناوەرەو گفتوگۆو فشاری سیاسییە کە پێموایە لەم قۆناغەدا دەکرێت گۆڕان و هێزەکانی دیکەش هاو بۆچونی یەکێتی بن، گۆڕینی هەڵوێست و بۆچونی یەکێتی لەسەر ئەم پرسە ڕاستەو گۆڕینێکی جەوهەری و واقعیە هەروەک چۆن پارتی هەڵوێستی گۆڕی چونکە مەسڵەحەتی حزبی لەوەدایە.


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP